രണ്ടു വര്‍ഷം ദൈര്‍ഘ്യമുള്ള പോസ്റ്റ് ബേസിക് ബിഎസ്‌സി നഴ്‌സിംഗ് കോഴ്‌സ് പഠിക്കാന്‍ പ്രതിവര്‍ഷം ഫീസ് 250 രൂപ മാത്രം.

കേന്ദ്ര സര്‍ക്കാരിന്റെ ആരോഗ്യ കുടുംബക്ഷേമ മന്ത്രാലയത്തിന്റെ ഹെല്‍ത്ത് റിസര്‍ച്ച് ഡിപ്പാര്‍ട്ടുമെന്റിന്റെ കീഴിലുള്ള ഭോപ്പാല്‍ നഴ്‌സിംഗ് കോളേജില്‍ 2017-18 ലെ കോഴ്‌സിലെ പ്രവേശനത്തിന് അഡ്മിഷന് അപേക്ഷ ക്ഷണിച്ചു. , സപ്തംബര്‍ 18 വരെ അപേക്ഷിക്കാം.

യോഗ്യത:
അംഗീകൃത, ഹയര്‍ സെക്കന്‍ഡറി/സീനിയര്‍ സെക്കന്‍ഡറി/ഇന്റര്‍മീഡിയറ്റ്/10+2 തത്തുല്യപരീക്ഷ ജയിച്ചിരിക്കണം. ജനറല്‍ നഴ്‌സിംഗ് ആന്റ് മിഡ്‌വൈഫറി കോഴ്‌സ് ജയിച്ച് സര്‍ട്ടിഫിക്കറ്റ് നേടിയിരിക്കണം. കൂടാതെ സംസ്ഥാന നഴ്‌സ് രജിസ്‌ട്രേഷന്‍ കൗണ്‍സിലില്‍, R.N/R.M ആയി രജിസ്റ്റര്‍ ചെയ്തിരിക്കണം. പുരുഷ അപേക്ഷകരെങ്കില്‍, മിഡ്‌വൈഫറിക്കുപകരം, ഇന്ത്യന്‍ നഴ്‌സിംഗ് കൗണ്‍സില്‍ അംഗീകാരമുള്ള നിശ്ചിത മേഖലയിലെ പരിശീലനം നേടണം.

അപേക്ഷാഫീസ് പൊതുവിഭാഗത്തിന് 750 രൂപയും, OBC വിഭാഗത്തിന് 500 രൂപയുമാണ്. SC/ST/PH വിഭാഗക്കാരെ അപേക്ഷാ ഫീസില്‍ നിന്നും ഒഴിവാക്കിയിട്ടുണ്ട്. 'Director, Bhopal Memorial Hospital & Research Centre' എന്ന പേരില്‍, ഭോപ്പാലില്‍ മാറത്തക്കവിധം ഏതെങ്കിലും ബാങ്കില്‍നിന്നുമെടുത്ത ഡിമാന്‍ഡ് ഡ്രാഫ്റ്റായി ഫീസടയ്ക്കണം.

പൂരിപ്പിച്ച അപേക്ഷയും, അതോടൊപ്പം വയ്‌ക്കേണ്ട രേഖകളും, ഫീസിനുള്ള DDയും സപ്തംബര്‍ 18 വൈകീട്ട് 5 മണിക്കകം, 'The Bhopal Nursing College, Bhopal Memorial Hospital & Research Cetnre, Raisen Bypass Road, Karond, Bhopal, Madhypradesh-462038' എന്ന വിലാസത്തില്‍ ലഭിച്ചിരിക്കണം.