ജവാഹർലാൽ ഇൻസ്റ്റിറ്റ്യൂട്ട്‌ ഓഫ്‌ പോസ്റ്റ്‌ ഗ്രാജ്വേറ്റ്‌ മെഡിക്കൽ എജ്യുക്കേഷൻ ആന്റ്‌ റിസർച്ചിൽ എം.ഡി./എം.എസ് കോഴ്സുകൾക്ക് ഇപ്പോൾ അപേക്ഷിക്കാം. പ്രവേശനപ്പരീക്ഷ നവംബർ 19ന്‌ നടക്കും. 90 സീറ്റുകളിലേക്കാണ് അപേക്ഷിക്കാൻ അവസരം. ഒക്ടോബർ 20 നു മുൻപായി ഓൺലൈൻ ആയി അപേക്ഷിക്കണം.

കോഴ്‌സുകൾ:
എം.എസ്‌ കോഴ്‌സിൽലഭ്യമായ ഡിസിപ്ളിനുകൾ: ജനറൽ സർജറി ഒബ്‌സ്റ്റെട്രിക്‌സ്‌ ആൻഡ്‌ ഗൈനക്കോളജി, ഒഫ്‌താൽമോളജി, ഓർത്തോപീഡിക്‌ സർജറി, ഓട്ടോ-റിനോ ലെറിങ്കോളജി.

എം.ഡി. കോഴ്‌സിൽ ലഭ്യമായ ഡിസിപ്ളിനുകൾ: അനസ്തേഷ്യാളജി, അനാട്ടമി, ബയോകെമിസ്‌ട്രി, കമ്യൂണിറ്റി മെഡിസിൻ, ഡെർമറ്റോളജി, വെനിറിയോളജി ആൻഡ്‌ ലെപ്രസി, എമർജൻസി മെഡിക്കൽ , ഫോറൻസിക്‌ മെഡിസിൻ, ജനറൽ മെഡിസിൻ, ഇമ്യൂണോ ഹെമറ്റോളജി ആൻഡ്‌ ബ്ളഡ്‌ ട്രാൻസ്‌ഫ്യൂഷൻ, മൈക്രോബയോളജി, ന്യൂക്ളിയർ മെഡിസിൻ, പാതോളജി, വീഡിയോട്രിക്സ്‌, ഫാമാക്കോളജി, ഫിസിയോളജി, സൈക്യാട്രി, പൾമണറി മെഡിസിൻ, റേഡിയോ ഡയ്‌ഗ്‌നോസിസ്‌, റേഡിയോ തെറാപ്പി.

യോഗ്യത: അംഗീകൃത സർവകലാശാലയിൽ നിന്നും  55 ശതമാനം മാർക്കിൽ കുറയാതെ എം.ബി.ബി.എസ്‌. ബിരുദം. പട്ടികജാതി /വർഗ്ഗക്കാർക്ക്‌ 50 ശതമാനം മാർക്ക്‌ മതിയാകും. ഇന്റേൺഷിപ്പ്‌/പ്രാക്ടിക്കൽ ട്രെയിനിങ് 2017 ഡിസംബർ 31നകം പൂർത്തിയാക്കണം.

ഓൺലൈൻ പ്രവേശനപ്പരീക്ഷയിൽ ഒബ്‌ജക്ടീവ്‌ മൾട്ടിപ്പിൾ ചോയിസ്‌ മാതൃകയിൽ 250 ചോദ്യങ്ങളുണ്ടാവും. ബേസിക്‌ ക്ളിനിക്കൽ സയൻസ്‌, ക്ളിനിക്കൽ സയൻസ്‌എന്നിവയിൽ നിന്നാവും ചോദ്യങ്ങൾ ഉണ്ടാവുക.

തിരുവനന്തപുരം, ചെന്നൈ, പുതുച്ചേരി, ബെംഗളൂരു, വിജയവാഡ, മുബൈ, ന്യൂഡൽഹി, ഭുവനേശ്വർ, അഹമ്മദാബാദ്‌, കൊൽക്കത്ത എന്നീ പരീക്ഷ കേന്ദ്രങ്ങളിൽ നിന്നും മുൻഗണനാ ക്രമത്തിൽ മൂന്ന്‌ കേന്ദ്രങ്ങൾ തിരഞ്ഞെടുക്കാം.
കൂടുതൽ വിവരങ്ങൾക്ക്: http://jipmer.edu.in/