കേ​ര​ള​ത്തി​ലെ 14 ജ​വ​ഹ​ർ ന​വോ​ദ​യ വി​ദ്യാ​ല​ങ്ങ​ളി​ലെ ആ​റാം ക്ലാസ് പ്രവേശനത്തിനുള്ള ഒാ​ൺ​ലൈ​ൻ അ​പേ​ക്ഷ ഇ​പ്പോ​ൾ സ​മ​ർ​പ്പി​ക്കാം. കേ​ന്ദ്ര​സ​ർ​ക്കാ​റി​ന്​ കീ​ഴി​ൽ വരുന്നതാണ് നവോദയ വിദ്യാലയങ്ങൾ. ആ​റാം ക്ലാ​സി​ൽ പ​ര​മാ​വ​ധി 80 കു​ട്ടി​ക​ൾ​ക്കാ​ണ്​ പ്ര​വേ​ശ​നം. താ​മ​സം, ഭ​ക്ഷ​ണം, യൂ​നി​ഫോം ഉ​ൾ​പ്പെ​ടെ വി​ദ്യാ​ഭ്യാ​സം തി​ക​ച്ചും സൗ​ജ​ന്യ​മാ​ക്കുന്ന റെസിഡൻഷ്യൽ സ​​മ്പ്ര​ദാ​യ​ത്തി​ലു​ള്ള വിദ്യാഭ്യാസ രീതിയാണ് ഇവിടെ നിലനിന്നു പോരുന്നത്.

12ാം ക്ലാ​സ്​ വ​രെ തു​ട​ർ​പ​ഠ​ന​ത്തി​ന്​ അ​വ​സ​ര​മു​ണ്ട്. സി.​ബി.​എ​സ്.​ഇ​യാ​ണ്​ 10, 12 ക്ലാ​സു​ക​ളിൽ പരീക്ഷ നടത്തുന്നത്. പ്ര​വേ​ശ​നം നേ​ടാ​ൻ ആ​ഗ്ര​ഹി​ക്കു​ന്ന വി​ദ്യാ​ർ​ഥി​ക​ൾ ന​വോ​ദ​യ വി​ദ്യാ​ല​യം പ്ര​വ​ർ​ത്തി​ക്കു​ന്ന ജി​ല്ല​യി​ലെ ഏ​തെ​ങ്കി​ലും സ​ർ​ക്കാ​ർ, അം​ഗീ​കൃ​ത വി​ദ്യാ​ല​യ​ങ്ങ​ളി​ൽ 2017-18 അ​ധ്യ​യ​ന​വ​ർ​ഷം അ​ഞ്ചാം ക്ലാ​സി​ൽ പ​ഠി​ക്കു​ന്ന​വ​രാ​യി​രി​ക്ക​ണം.

75 ശ​ത​മാ​നം സീറ്റ് ന​വോ​ദ​യ സ്​​കൂ​ൾ സ്​​ഥി​തി ചെ​യ്യു​ന്ന ഗ്രാ​മീ​ണ​മേ​ഖ​ല​യി​ലെ വി​ദ്യാ​ർ​ഥി​ക​ൾ​ക്ക് ആയി സംവരണം ചെയ്തിട്ടുണ്ട്. കൂടാതെ മൊത്തം സീറ്റിന്റെ മൂ​ന്നി​ൽ ഒ​രു​ഭാ​ഗം പെ​ൺ​കു​ട്ടി​ക​ൾ​ക്കാ​യി നീ​ക്കി​വെച്ചിട്ടുണ്ട്. പിന്നാക്ക വിഭാഗങ്ങൾക്ക് കേന്ദ്രസർക്കാരിന്റെ നി​യ​മാ​നു​സൃ​ത സം​വ​ര​ണം ലഭിക്കും. കൂടാതെ മൂ​ന്ന്​ ശ​ത​മാ​നം സീറ്റ് ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥി​കൾക്കായി മാറ്റിവെച്ചിട്ടുണ്ട്.

ആ​റാം ക്ലാ​സ്​ സെ​ല​ക്​​ഷ​ൻ ടെ​സ്​​റ്റ്​ ഫെ​ബ്രു​വ​രി 10 ശ​നി​യാ​ഴ്​​ച രാ​വി​ലെ 11.30ന്​ ​ന​ട​ക്കും. മ​ല​യാ​ളം, ഇം​ഗ്ലീ​ഷ്, ഹി​ന്ദി, ത​മി​ഴ്, ക​ന്ന​ട, തെ​ലു​ങ്ക്, ഉ​ർ​ദു ഉൾപ്പെടെ 21 ഭാ​ഷ​ക​ളി​ൽ സെ​ല​ക്​​ഷ​ൻ ടെ​സ്​​റ്റ് ഉണ്ടായിരിക്കും. ഇതിൽ നിന്നും ഇഷ്ടമുള്ള ഭാഷ തിരഞ്ഞെടുക്കാവുന്നതാണ്. മെന്റൽ എ​ബി​ലി​റ്റി, അ​രി​ത്ത്​​മെ​റ്റി​ക്, ലാം​ഗ്വേ​ജ്​ എ​ന്നി​ങ്ങ​നെ മൂ​ന്ന്​ ഭാഗങ്ങളിൽ നിന്നായിരിക്കും ചോദ്യങ്ങൾ ഉണ്ടാവുക. ആ​കെ 100 മാർക്കിനാണ് ടെസ്റ്റ് നടത്തുന്നത്. ര​ണ്ടു​മ​ണി​ക്കൂ​ർ ആണ് സമയം.

ടെസ്റ്റിന്റെ രീ​തി പ്രോ​സ്​​പെ​ക്​​ട​സി​ലു​ണ്ടാ​വും. ടെ​സ്​​റ്റി​ൽ ഉയർന്ന മാർക്ക് നേടുന്നവർക്കാണ് പ്രവേശനം. വി​ശ​ദ​മാ​യ യോ​ഗ്യ​ത മാ​ന​ദ​ണ്ഡ​ങ്ങ​ൾ, ഒാ​ൺ​ലൈ​ൻ അ​പേ​ക്ഷ, സ​മ​ർ​പ്പ​ണ​രീ​തി, ടെ​സ്​​റ്റ്​ സി​ല​ബ​സ്​ ഉ​ൾ​പ്പെ​ടെ ആ​റാം ക്ലാ​സ്​ സെ​ല​ക്​​ഷ​ൻ ടെസ്റ്റിന്റെ വി​ശ​ദ​വി​വ​ര​ങ്ങ​ൾ http://navodayahyd.gov.in/ എ​ന്ന വെ​ബ്​​സൈ​റ്റി​ലും അ​ത​ത്​ ജി​ല്ല​യി​ലെ ജ​വ​ഹ​ർ ന​വോ​ദ​യ വിദ്യാലയങ്ങളിലും ലഭ്യമാണ്.