കണ്ണൂർ ആസ്ഥാനമായുള്ള പറശ്ശിനിക്കടവ് എംവിആര്‍ ആയുര്‍വേദ മെഡിക്കല്‍ കോളേജില്‍ 2017-18 വര്‍ഷത്തെ ബി എസ് സി നേഴ്സിങ് (ആയുര്‍വേദം), ബിഫാം (ആയുര്‍വേദം) എന്നീ കോഴ്സുകളിലേക്ക് പ്രവേശനത്തിന് അപേക്ഷക്ഷണിച്ചു. കേരള ആരോഗ്യ സര്‍വകലാശാല അംഗീകരിച്ച കോഴ്സ് ആണിത്.

യോഗ്യത: ഹയര്‍ സെക്കന്‍ഡറി വിജയം അഥവാ തത്തുല്യമായ മറ്റേതെങ്കിലും പരീക്ഷയോ പാസായിരിക്കണം. കൂടാതെ ഫിസിക്സ്, കെമിസ്ട്രി, ബയോളജി എന്നിവയ്ക്കു മൊത്തത്തില്‍ 50 ശതമാനം മാര്‍ക്കോടെ പാസ്സായവരാകണം.

600 രൂപയാണ് അപേക്ഷാഫീസ്. പട്ടികജാതി പട്ടികവര്‍ഗ വിഭാഗത്തിന് 300 രൂപ അടച്ചാൽ മതി. ഫെഡറല്‍ ബാങ്കിന്റെ കേരളത്തിലെ ഏതെങ്കിലും ശാഖയിൽ വേണം ഫീസ് അടക്കേണ്ടത്. ഒക്ടോബര്‍ 10 വരെ ഫീസ് അടക്കാം.

അപേക്ഷാഫോറം www.lbscentre.in എന്ന വെബ്സൈറ്റില്‍ നിന്ന് ഡൌൺലോഡ് ചെയ്തെടുക്കാം. അപേക്ഷാ ഫോമിനോടൊപ്പം ചെലാന്‍ രസീതിന്റെ ഓഫീസ് കോപ്പിയും സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പും സഹിതം ഡയറക്ടര്‍, എല്‍ബിഎസ് സെന്റര്‍ ഫോര്‍ സയന്‍സ് ആന്‍ഡ് ടെക്നോളജി, എക്സ്ട്രാ പോലീസ് റോഡ്, നന്ദാവനം, പാളയം, തിരുവനന്തപുരം 33 എന്ന വിലാസത്തില്‍ ഒക്ടോബര്‍ 13 ന് വൈകിട്ട് അഞ്ചിനകം ലഭിക്കത്തക്ക വിധത്തിൽ അയക്കണം.