കേരള ആരോഗ്യ ശാസ്ത്ര സർവകലാശാല കുടുംബാരോഗ്യ സംബന്ധിയായ വിഷയങ്ങളിൽ ബിരുദാനന്തര ബിരുദധാരികളായ 70 നേഴ്സുമാർക്ക് പരിശീലനം നൽകുന്നു.
അഞ്ചു മുതൽ 16 വരെ രണ്ടാഴ്ചത്തെ വിപുലമായ ഈ കുടുംബാരോഗ്യ പഠന പരിശീലനം റസിഡൻഷ്യൽ പ്രോഗ്രാമായി നടത്തുന്നത് കേരള ആർദ്രം മിഷന്റെ സഹകരണത്തോടെയാണ്. ഈ പ്രോഗ്രാമിൽ പങ്കെടുത്ത് പരിശീലനം നേടുന്നവർ അതതു മേഖലകളിൽ മറ്റുള്ള നേഴ്സുമാരുടെ പരിശീലകരായി പ്രവർത്തിക്കുന്നതിനുതകുന്ന തരത്തിലാണ് ക്ലാസുകൾ ഒരുക്കിയിട്ടുള്ളതെന്ന് സർവകലാശാലാ വൈസ് ചാൻസലർ ഡോ. എം കെ സി നായർ പറഞ്ഞു
സർവകലാശാലയിലെ ഡീൻമാരാണ് കോഴ്സ് ഡയറക്ടർമാരായി പ്രവർത്തിക്കുന്നത്. പരിശീലനത്തിനാവശ്യമായ കൈപ്പുസ്തകങ്ങൾ തയ്യാറായിക്കഴിഞ്ഞു. സർവകലാശാലാ അധ്യാപകർക്ക് പുറമേ സംസ്ഥാന ആരോഗ്യ വകുപ്പിലെ വിദഗ്ധ ഡോക്ടർമാരും പരിശീലനത്തിന് നേതൃത്വം നൽകും.