കാലടി സംസ്‌കൃത സര്‍വകലാശാലയുടെ 2018 - 2019 വര്‍ഷത്തെ എംഎ, എംഎസ്‌സി, എംഎസ്ഡബ്ല്യു, എംപിഎഡ്, എംഎഫ്‌എ ആന്‍ഡ് പിജി ഡിപ്ലോമ പ്രോഗ്രാമുകളിലേക്ക് അപേക്ഷ ക്ഷണിക്കുന്നു. കാലടി മുഖ്യകേന്ദ്രത്തിലും വിവിധ പ്രാദേശിക കേന്ദ്രങ്ങളിലുമാണ് കോഴ്‌സ് നടക്കുന്നത്.
കോഴ്‌സുകള്‍ നടത്തുന്ന കേന്ദ്രം, കോഴ്‌സുകള്‍ എന്നിവ ചുവടെ:

കാലടി മുഖ്യകേന്ദ്രം:
എംഎ മലയാളം, ഹിന്ദി, ഇംഗ്ലീഷ്, ഹിസ്റ്ററി, ഫിലോസഫി, മ്യൂസിക്, ഭരതനാട്യം, മോഹിനിയാട്ടം, തിയറ്റര്‍, കംപാരറ്റീവ് ലിറ്ററേച്ചര്‍ ആന്‍ഡ് ലിംഗ്വിസ്റ്റിക്‌സ്, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് വേദാന്ത, സാന്‍സ്‌ക്രിറ്റ് വ്യാകരണ, സാന്‍സ്‌ക്രിറ്റ് ന്യായ, സാന്‍സ്‌ക്രിറ്റ് ജനറല്‍, വേദിക് സ്റ്റഡീസ്, സോഷ്യോളജി. എംഎസ്‌സി സൈക്കോളജി, ജ്യോഗ്രഫി, മാസ്റ്റര്‍ ഓഫ് സോഷ്യല്‍ വര്‍ക്ക് (എംഎസ്ഡബ്ല്യു),മാസ്റ്റര്‍ ഓഫ് ഫിസിക്കല്‍ എജ്യുക്കേഷന്‍ (എംപിഎഡ്). എംഎഫ്‌എ ( വിഷ്വല്‍ ആര്‍ട്‌സ്), പിജി ഡിപ്ലോമ ഇന്‍ ട്രാന്‍സലേഷന്‍ ആന്‍ഡ് ഓഫീസ് പ്രൊസീഡിങ്‌സ് ഇന്‍ ഹിന്ദി.

തിരുവനന്തപുരംകേന്ദ്രം:എംഎ മലയാളം, ഹിന്ദി, ഇംഗ്ലീഷ്, ഹിസ്റ്ററി, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് വേദാന്ത, സാന്‍സ്‌ക്രിറ്റ് വ്യാകരണ, സാന്‍സ്‌ക്രിറ്റ് ന്യായ. പന്‍മന പ്രാദേശിക കേന്ദ്രം: എംഎ മലയാളം, ഹിന്ദി, സാന്‍സ്‌ക്രിറ്റ് വേദാന്ത, ഇംഗ്ലീഷ്.

ഏറ്റുമാനൂര്‍കേന്ദ്രം:എംഎ മലയാളം, ഹിന്ദി, സാന്‍സ്‌ക്രിറ്റ് സാഹിത്യ, പിജി ഡിപ്ലോമ ഇന്‍ ട്രാന്‍സലേഷന്‍ ആന്‍ഡ് ഓഫീസ് പ്രൊസീഡിങ്‌സ് ഇന്‍ ഹിന്ദി.

തുറവൂര്‍ പ്രാദേശികകേന്ദ്രം: എംഎ മലയാളം, സാന്‍സ്‌ക്രിറ്റ് സാഹിത്യ, ഹിസ്റ്ററി, മാസ്റ്റര്‍ ഓഫ് സോഷ്യല്‍ വര്‍ക് (എംഎസ്ഡബ്ല്യൂ)

തൃശൂര്‍കേന്ദ്രം: എംഎ മലയാളം, ഹിന്ദി, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് ന്യായ.

തിരൂര്‍കേന്ദ്രം: എംഎ മലയാളം, ഹിന്ദി, ഹിസ്റ്ററി, ഇംഗ്ലീഷ്, അറബിക്, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് വ്യാകരണ, മാസ്റ്റര്‍ ഓഫ് സോഷ്യല്‍ വര്‍ക്ക് (എംഎസ്ഡബ്ല്യു).

കൊയിലാണ്ടി പ്രാദേശികകേന്ദ്രം: എംഎ ഉറുദു, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് വേദാന്ത, മലയാളം, ഹിന്ദി, സാന്‍സ്‌ക്രിറ്റ് ജനറല്‍

പയ്യന്നൂര്‍കേന്ദ്രം: മലയാളം, ഹിന്ദി, ഹിസ്റ്ററി, ഫിലോസഫി, സാന്‍സ്‌ക്രിറ്റ് സാഹിത്യ, സാന്‍സ്‌ക്രിറ്റ് വ്യാകരണ, സാന്‍സ്‌ക്രിറ്റ് വേദാന്ത, മാസ്റ്റര്‍ ഓഫ് സോഷ്യല്‍ വര്‍ക്ക് ( എംഎസ്ഡബ്ല്യു).

മേയില്‍ നടത്തുന്ന പ്രവേശനപരീക്ഷയുടേയും അഭിമുഖത്തിന്റെയും അടിസ്ഥാനത്തിലായിരിക്കും എംഎ, എംഎസ്‌സി, എംഎസ്ഡബ്ല്യൂ കോഴ്‌സുകളിലേക്കുള്ള പ്രവേശനം നടത്തുന്നത് . ഈ സര്‍വകലാശാലയില്‍നിന്ന് ബിരുദം നേടിയവര്‍ക്കും ഈ സര്‍വകലാശാല അംഗീകരിക്കുന്ന മറ്റു സര്‍വകലാശാലകളില്‍നിന്ന് 10 2 3 പാറ്റേണില്‍ ബിരുദം കരസ്ഥമാക്കിയവര്‍ക്കും അപേക്ഷിക്കാം.

ബിഎ പ്രോഗ്രാമിന്റെ ചോയ്‌സ് ബേസ്ഡ് ക്രെഡിറ്റ് ആന്‍ഡ് സെമസ്റ്റര്‍ സിസ്റ്റം പ്രകാരം എല്ലാ കോഴ്‌സുകളും പൂര്‍ത്തിയായവര്‍ക്കും ഒന്നുമുതല്‍ അഞ്ചുവരെയുള്ള സെമസ്റ്ററുകള്‍ പൂര്‍ത്തിയാക്കി ഏപ്രിലില്‍ ഫൈനല്‍ സെമസ്റ്റര്‍ പരീക്ഷ എഴുതുന്നവര്‍ക്കും അപേക്ഷിക്കാം. ഇവര്‍ 31.08.2018നു മുൻപ് പ്രൊവിഷണല്‍ ഡിഗ്രി സര്‍ട്ടിഫിക്കറ്റ് ഹാജരാക്കണം. എംഎ മ്യൂസിക്, ഡാന്‍സ്, തിയറ്റര്‍ എന്നിവയ്ക്ക് അപേക്ഷിക്കുന്നവര്‍ക്ക് എഴുത്തുപരീക്ഷയും അഭിരുചിപരീക്ഷയും പ്രയോഗികപരീക്ഷയും ഉണ്ടാകും.

ഫിസിക്കല്‍ എഡ്യുക്കേഷനില്‍ സംസ്‌കൃത സര്‍വകലാശാലയും യുജിസിയും അംഗീകരിച്ച റെഗുലര്‍ ബാച്ചിലര്‍ കോഴ്‌സ് 50 ശതമാനം മാര്‍ക്കോടെ പാസ്സായവര്‍ക്ക് എംപിഎഡ് കോഴ്‌സിന് അപേക്ഷിക്കാം. ഇവര്‍ പ്രവേശനപരീക്ഷ കൂടാതെ ഫിറ്റ്‌നസ്/പ്രാക്ടിക്കല്‍ പരീക്ഷ കൂടി പാസാകണം. എംഎഫ്‌എ കോഴ്‌സിന് അപേക്ഷിക്കുന്നവര്‍ ഫൈന്‍ ആര്‍ട്‌സില്‍ ബാച്ചിലര്‍ ഡിഗ്രി 55 ശതമാനം മാര്‍ക്കോടെ പാസ്സായവരായിരിക്കണം.

മേയില്‍ നടത്തുന്ന പ്രവേശനപരീക്ഷയുടേയും അഭിമുഖത്തിന്റെയും അടിസ്ഥാനത്തിലായിരിക്കും എംഎ, എംഎസ്‌സി, എംഎസ്ഡബ്ല്യൂ കോഴ്‌സുകളിലേക്കുള്ള പ്രവേശനം. കാലടി മുഖ്യകേന്ദ്രം കൂടാതെ പ്രാദേശികകേന്ദ്രങ്ങളിലും എംഎ പ്രവേശനപരീക്ഷാ കേന്ദ്രം ഉണ്ടാകും. കാലടി, തുറവൂര്‍, തിരൂര്‍, പയ്യന്നൂര്‍ എന്നിവിടങ്ങളിലാണ് എംഎസ്ഡബ്ല്യു പ്രവേശന പരീക്ഷാകേന്ദ്രങ്ങള്‍. എംപിഎഡ്/എംഎസ്‌സി/എംഎഫ്‌എ കോഴ്‌സുകളുടെ പ്രവേശനപരീക്ഷ കാലടി മുഖ്യകേന്ദ്രത്തില്‍ മാത്രമായിരിക്കും.

ബിരുദാനന്തരബിരുദ പ്രോഗ്രാമുകള്‍ക്ക് 28.04.2018ന് മുൻപ് ഓൺലൈനിൽ അപേക്ഷിക്കണം . അപേക്ഷയുടെ പ്രിന്റഡ് കോപ്പി, യോഗ്യത തെളിയിക്കുന്ന സര്‍ട്ടിഫിക്കറ്റ്, കമ്യൂണിറ്റി/കാസ്റ്റ് സര്‍ട്ടിഫിക്കറ്റ് എന്നിവയുടെ പകര്‍പ്പുകള്‍ സഹിതം 2.5.2018 നകം അതത് വകുപ്പുമേധാവികള്‍, കോഴ്‌സുകള്‍ നടത്തുന്ന പ്രാദേശിക കേന്ദ്രങ്ങളുടെ ഡയറക്ടര്‍മാര്‍ എന്നിവര്‍ക്ക് സമര്‍പ്പിക്കണം.

എംഎ 100 രൂപയും (എസ്‌സി, എസ്ടി 25 രൂപ) എംഎസ്‌സി 110 രൂപയും (എസ്‌സി, എസ്ടി 25 രൂപ) എംഎസ്ഡബ്ല്യു, എംഎഫ്‌എ എന്നിവയ്ക്ക് 250 രൂപയും (എസ്‌സി, എസ്ടി 50 രൂപ), എംപിഎഡ് 500 രൂപയുമാണ് ( എസ്‌സി, എസ്ടി 100 രൂപ) പ്രവേശനപരീക്ഷാ ഫീസ്. യൂണിയന്‍ ബാങ്ക് ഓഫ് ഇന്ത്യയുടെ ബ്രാഞ്ചുകളില്‍ എസ്‌എസ് യുഎസ് ചലാന്‍ റസീപ്റ്റ്‌ വഴിയോ യൂണിയന്‍ ബാങ്ക് കാലടി ബ്രാഞ്ചില്‍ പേയബിള്‍ ആയ
The Finance Officer,
Sri Sankaracharya University of Sanskrit
എന്ന പേരിലുള്ള ഡിഡി വഴിയോ പ്രവേശനഫീസ് അടയ്ക്കാം. ഡിഡിയുടെ മറുവശത്ത് പേര്, മേല്‍വിലാസം, ഫോണ്‍നമ്പർ എന്നിവ എഴുതണം. വിശദവിവരങ്ങള്‍ക്കും പ്രോസ്‌പെക്ടസിനും ഓണ്‍ലൈനില്‍ അപേക്ഷിക്കുന്നതിനും www.ssus.ac.in, www.ssusonline.org എന്നീ വെബ്‌സൈറ്റുകള്‍ ഉപയോഗിക്കാം.