ഉന്നത വിദ്യാഭ്യാസരംഗത്തെ പ്രസിദ്ധിയാർജ്ജിച്ച സ്ഥാപനമാണ് ചെ​ന്നൈ മാ​ത്ത​മാ​റ്റി​ക്ക​ൽ ഇ​ൻ​സ്​​റ്റി​റ്റ്യൂട്ട്. പ്ലസ്​ടു ജയിച്ചവർക്കും 2018ൽ പരീക്ഷ എഴുന്നവർക്കും ഇപ്പോൾ അപേക്ഷിക്കാം
ഒാൺലൈനായി ഏപ്രിൽ ഏഴുവരെ അപേക്ഷ സ്വീകരിക്കും. പ്രവേശന വിജ്​ഞാപനം www.cmi.ac.in/admissions ൽ പ്രസിദ്ധീകരിച്ചിട്ടുണ്ട്​.

കോഴ്​സുകളും യോഗ്യതകളും:

ബി.എസ്​സി (ഒാണേഴ്​സ്​)^ മാത്തമാറ്റിക്​സ്​ ആൻഡ്​ കമ്പ്യൂട്ടർ സയൻസ്​; മാത്തമാറ്റിക്​സ്​ ആൻഡ്​ ഫിസിക്​സ്​.
അക്കാദമിക്​ മികവോടെ പ്ലസ്​ടു ജയിച്ചവർക്കും 2018ൽ പരീക്ഷയെഴുതുന്നവർക്കും അപേക്ഷിക്കാം. പ്രവേശനപരീക്ഷയിലൂടെയാണ്​ സെലക്​ഷൻ. മൂന്നു വർഷം ആണ് കോഴ്സ് (ആറ്​ സെമസ്​റ്ററുകൾ).
ട്യൂഷൻ ഫീസ്​ സെമസ്​റ്റർ ഒന്നിന്​ ഒരു ലക്ഷം രൂപയാണ്​. ഉയർന്ന മെറിറ്റുള്ളവർക്ക്​ പ്രതിമാസം 5000 രൂപ നിരക്കിൽ പരിമിതമായ ഫെലോഷിപ്പുകളും ലഭ്യമാകും.
എം.എസ്​സി^ മാത്തമാറ്റിക്​സ്​/കമ്പ്യൂട്ടർ സയൻസ്​/മാത്തമാറ്റിക്​സ്&;സയൻസ്​:​യോഗ്യത: ബി.എ/ബി.എസ്​സി/ബി. മാത്​/ബി. സ്​റ്റാറ്റ്​/ബി. ടെക്​ ബിരുദം. മാത്തമാറ്റിക്​സ്​/സ്​റ്റാറ്റിസ്​റ്റിക്​സ്​/കമ്പ്യൂട്ടർ സയൻസ്​ വിഷയത്തിൽ പ്രാഗല്​ഭ്യമുള്ളവരാകണം. 2018ൽ ഫൈനൽ യോഗ്യത പരീക്ഷയെഴുതുന്നവർക്കും അപേക്ഷിക്കാം.
എൻ​ട്രൻസ്​ ടെസ്​റ്റ്​, ഇൻറർവ്യൂ എന്നിവയുടെ അടിസ്​ഥാനത്തിലാണ്​ സെലക്​ഷൻ. നാല്​ സെമസ്​റ്ററുകളായുള്ള രണ്ടു വർഷത്തെ കോഴ്​സാണിത്​. സെമസ്​റ്റർ ഒന്നിന്​ ഡാറ്റ സയൻസിന്​ രണ്ടു ലക്ഷവും മറ്റു കോഴ്​സുകൾക്ക്​ ഒരു ലക്ഷം രൂപയുമാണ്​ ട്യൂഷൻ ഫീസ്​.
ഉയർന്ന മെറിറ്റുകാർക്ക്​ ട്യൂഷൻ ഫീസിനോളം തുക വരുന്ന സ്​​കോളർഷിപ്പുകളും പ്രതിമാസം 6000 രൂപ നിരക്കിൽ പരിമിതമായ ഫെലോഷിപ്പുകളും ലഭ്യമാകും
പി.എച്ച്​ഡി^മാത്തമാറ്റിക്സ് ​,കമ്പ്യൂട്ടർ സയൻസ്​, ഫിസിക്​സ്​
യോഗ്യത : ബന്ധപ്പെട്ട വിഷയത്തിൽ അക്കാദമിക്​ മികവോടെയുള്ള എം.എസ്​സി/ബി.എസ്​സി/എം.സി.എ/ബി.ഇ/ബി.ടെക്​ ബിരുദം. ഗവേഷണത്തിൽ അതീവ താൽപര്യമുള്ളവരാകണം. പ്രവേശന പരീക്ഷയിലൂടെയാണ്​ സെലക്​ഷൻ. ‘NBHM/JEST 2018’ൽ യോഗ്യത നേടുന്ന റിസർച്​​ സ്​കോളേഴ്​സിന്​ ആദ്യത്തെ രണ്ടു വർഷക്കാലം പ്രതിമാസം 25,000 രൂപയും തുടർന്നുള്ള മൂന്നു വർഷം പ്രതിമാസം 28,000 രൂപയും സ്​റ്റൈപൻറായി ലഭിക്കും.
ഹോസ്​റ്റലിൽ താമസിക്കാത്തവർക്ക്​ സ്​റ്റൈപന്റിന്റെ 30 ശതമാനം വീട്ടുവാടക മൊത്തമായി നൽകും.
പ്രവേശന പരീക്ഷ:
2018 മേയ്​ 15ന്​ രാവിലെ 9.30 മുതൽ 12.30 വരെ ബി.എസ്​സി കോഴ്​സുകൾക്കായുള്ള ​പൊതുപ്രവേശന പരീക്ഷയും ഉച്ചക്കുശേഷം രണ്ടു മുതൽ അഞ്ചുവരെ എം.എസിസി/പി.എച്ച്​ഡി പ്രോഗ്രാമുകൾക്കുള്ള പ്രവേശന പരീക്ഷയും നടക്കും.
തിരുവനന്തപുരം, കോഴിക്കോട്​, കോയമ്പത്തൂർ, ചെന്നൈ, മധുര, ബംഗളൂരു, ഹൈദരാബാദ്​, മുംബൈ, പുണെ, ഡൽഹി, കൊൽക്കത്ത എന്നിവ ടെസ്​റ്റ്​ സെന്ററുകളാണ്
. അപേക്ഷ ഒാൺലൈനായി www.cmi.ac.in/ ഏപ്രിൽ ഏഴിനകം സമർപ്പിക്കണം​. നിർദേശങ്ങൾ വെബ്​സൈറ്റിലുണ്ട്​. ഒാൺലൈൻ അപേക്ഷ ഫീസ്​ 750 രൂപയാണ്​. വിശദവിവരങ്ങളടങ്ങിയ ഇൻഫർമേഷൻ ബ്രോഷർ വെബ്​സൈറ്റിൽനിന്ന്​ ഡൗൺലോഡ്​ ചെയ്യാം