കേരള ലോ അക്കാഡമിയുടെ കീഴിൽ പ്രവർത്തിക്കുന്ന തിരുവനന്തപുരത്തെ ലോ കോളേജിൽ പഞ്ചവത്സര ഇന്റഗ്രേറ്റഡ് ബിഎ എൽഎൽബി, ബികോം
എൽഎൽബി കോഴ്സുകൾക്ക് ഇപ്പോൾ അപേക്ഷിക്കാം. 2017 - 18 അധ്യയന വർഷത്തേക്കാണ് അപേക്ഷ ക്ഷണിച്ചിരിക്കുന്നത്. മെയ് 10 നു മുൻപായി അപേക്ഷിക്കണം.
യോഗ്യത: ഹയർ സെക്കണ്ടറി അഥവാ തത്തുല്യ പരീക്ഷയിൽ 45 % മാർക്ക് നേടിയിരിക്കണം. പട്ടികജാതിപട്ടികവർഗക്കാർക്ക് 40 ശതമാനം മാർക്ക് മതിയാകും. പരീക്ഷ എഴുതി റിസൾട്ട് കാത്തിരിക്കുന്നവർക്കും അപേക്ഷിക്കാം.
ഓൺലൈൻ ആയും നേരിട്ടും അപേക്ഷ സമർപ്പിക്കാം. നേരിട്ട് അപേക്ഷിക്കുന്നവർ പൂരിപ്പിച്ച അപേക്ഷയോടൊപ്പം കേരള ലോ അക്കാദമി ലോ കോളേജ് പ്രിൻസിപ്പലിന്റെ പേരിൽ ഏതെങ്കിലും നാഷണലൈസ്ഡ് ബാങ്കിൽനിന്ന് എടുത്ത 1000 രൂപയുടെ ഡിമാന്റ് ഡ്രാഫ്റ്റ് കൂടി അയക്കണം.
ഓൺലൈൻ ആയി അപേക്ഷിക്കുന്നവർ www.keralalawacadeym.in
എന്ന വെബ്സൈറ്റിലൂടെ വേണം അപേക്ഷിക്കാൻ.
ധാരാളം തൊഴിൽ അവസരങ്ങൾ സൃഷ്ടിക്കപ്പെടുന്ന ഒരു മേഖലയായി മാറിയിരിക്കുന്നു ഇന്ന് അഭിഭാഷകവൃത്തി. കോടതികളിൽ മാത്രമല്ല ഇക്കാലത്തു ഓഫീസുകളിലും ബാങ്കുകളിലും എല്ലാം ലീഗൽ ഓഫീസർമാരെ നിയമിക്കാറുണ്ട്. അതുകൊണ്ടു തന്നെ ഈ മേഖലയിൽ തൊഴിൽ സാധ്യതകളേറെയാണ്. വാക്സമർത്യവും നന്നായി എഴുതാനുമുള്ള കഴിവ്, കേള്‍വിക്കാരില്‍ നിന്ന് കാര്യങ്ങള്‍ ഗ്രഹിെച്ചടുക്കാനുള്ള സാമര്‍ഥ്യം, അപഗ്രഥനശേഷി എന്നിവയുള്ളവര്‍ക്ക് അഭിഭാഷകവൃത്തി കരിയറായി തിരഞ്ഞെടുക്കാം.
ത്രിവത്സര എല്‍എല്‍ബി കോഴ്‌സും പഞ്ചവത്സര എല്‍എല്‍ബി കോഴ്‌സും എന്നിങ്ങനെ രണ്ടായി തിരിക്കാം. ഇതിൽ ത്രിവത്സര എല്‍എല്‍ബി കോഴ്‌സിന് ചേരാൻ വേണ്ട യോഗ്യത അംഗീകൃത സർവകലാശാല ബിരുദമാണ്. പഞ്ചവത്സര എല്‍എല്‍ബി കോഴ്‌സിന് ചേരാന്‍ പ്ലസ്ടുവാണ് യോഗ്യത.