എസ്എസ്എല്സി പരീക്ഷയുടെ മാര്ക്കുകളുടെ അപ്ലോഡിങ് തുടങ്ങി
എസ്എസ്എല്സി പരീക്ഷയുടെ മാര്ക്കുകളുടെ കംപ്യൂട്ടര് അപ്ലോഡിങ് തുടങ്ങി. വെള്ളിയാഴ്ച പരിശോധിച്ച പേപ്പറുകളുടെ മാര്ക്ക് ആണ് ഇന്നലെ രേഖപ്പെടുത്തിയത്. ഇവ ഒരുവട്ടം കൂടി പരിശോധിച്ച ശേഷം പരീക്ഷാഭവന്റെ സെര്വറിലേക്ക് അയയ്ക്കും. പരീക്ഷാഭവനില് പേപ്പറുകളും മാര്ക്കും തമ്മിലുള്ള ഒത്തുപരിശോധന ചൊവ്വാഴ്ച തുടങ്ങും.
നാളെ മുതല് മൂല്യനിര്ണയ ക്യാംപുകളില് നിന്നുള്ള സ്കോര് ഷീറ്റുകള് പരീക്ഷാ ഭവനില് എത്തിക്കും. ഇതുപയോഗിച്ചാണ് ഒത്തുനോക്കല്. ഒന്നരമണിക്കൂര് പരീക്ഷയുടെ 36 ഉത്തരക്കടലാസുകളും രണ്ടര മണിക്കൂര് പരീക്ഷയുടെ 24 പേപ്പറുകളുമാണ് ഒരു അധ്യാപകന് ഒരു ദിവസം മൂല്യനിര്ണയം നടത്തുന്നത്. 16ന് അവസാനിക്കും. ഈ മാസം അവസാനം ഫലപ്രഖ്യാപനം നടത്തും
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha