ഡിപ്ലോമക്കാര്‍ക്ക് ഇന്ത്യന്‍ കോസ്റ്റ് ഗാര്‍ഡില്‍ യാന്ത്രിക് ആകാം. 1/2017 ബാച്ചിലേക്കാണു തിരഞ്ഞെടുപ്പ്. പുരുഷന്‍മാര്‍ക്കാണ് അവസരം. സെപ്റ്റംബര്‍/ഒക്ടോബറില്‍ എഴുത്തുപരീക്ഷ നടക്കും. 2017 ഫെബ്രുവരിയില്‍ പരിശീലനം ആരംഭിക്കും. ഓഗസ്റ്റ് 2 മുതല്‍ ഓണ്‍ലൈനില്‍ അപേക്ഷിക്കാം. അവസാന തീയതി: ഓഗസ്റ്റ് 12.
യോഗ്യത:മെട്രിക്കുലേഷനും കുറഞ്ഞതു മൊത്തം 60% മാര്‍ക്കോടെ മെക്കാനിക്കല്‍/ഇലക്ട്രിക്കല്‍/ഇലക്‌ട്രോണിക്‌സ് ആന്‍ഡ് ടെലി കമ്യൂണിക്കേഷന്‍ എന്‍ജിനീയറിങ് ത്രിവല്‍സര ഡിപ്ലോമയും (പട്ടികവിഭാഗക്കാര്‍ക്കും ദേശീയ തലത്തില്‍ നേട്ടമുണ്ടാക്കിയ സ്‌പോര്‍ട്‌സ് താരങ്ങള്‍ക്കും കോസ്റ്റ് ഗാര്‍ഡില്‍ യൂണിഫോം സര്‍വീസിലിരിക്കെ മരിച്ചവരുടെ ആശ്രിതര്‍ക്കും മാര്‍ക്കില്‍ അഞ്ചു ശതമാനം ഇളവുണ്ട്).
പ്രായം:18-22. 1995 ഫെബ്രുവരി ഒന്നിനും 1999 ജനുവരി 31നും മധ്യേ ജനിച്ചവര്‍. പട്ടികവിഭാഗക്കാര്‍ക്ക് അഞ്ചും ഒബിസിക്കു മൂന്നും വര്‍ഷം ഉയര്‍ന്ന പ്രായപരിധിയില്‍ ഇളവുണ്ട്.
ശമ്പളനിരക്ക്: 5200-20200. ഗ്രേഡ്‌പേ 2400 രൂപ. മറ്റാനുകൂല്യങ്ങളും ലഭിക്കും.
ശാരീരികയോഗ്യത: ഉയരം: കുറഞ്ഞത് 157 സെമീ. നെഞ്ചളവ് ആനുപാതികം, കുറഞ്ഞത് അഞ്ചു സെമീ വികാസം വേണം. തൂക്കം ഉയരത്തിനും പ്രായത്തിനും ആനുപാതികം. 
കാഴ്ചശക്തി:6/24 (കണ്ണടയില്ലാതെ)
6/9, 6/12(കണ്ണട ധരിച്ച്)
തിരഞ്ഞെടുപ്പു കേന്ദ്രത്തില്‍ ഉദ്യോഗാര്‍ഥി നേരിട്ടെത്തണം. എഴുത്തുപരീക്ഷ, ശാരീരികക്ഷമതാ പരീക്ഷ, ഇന്റര്‍വ്യൂ എന്നിവയുടെ അടിസ്ഥാനത്തിലാണു തിരഞ്ഞെടുപ്പ്. മെഡിക്കല്‍ പരിശോധനയുമുണ്ടാകും. കൊച്ചിയില്‍ സിലക്ഷന്‍ കേന്ദ്രമുണ്ട്.
അപേക്ഷിക്കേണ്ട വിധം: www.joinindiancoastguard.gov.in എന്ന വെബ്‌സൈറ്റ് മുഖേന ഓണ്‍ലൈന്‍ അപേക്ഷ സമര്‍പ്പിക്കാം. ഓണ്‍ലൈന്‍ അപേക്ഷയില്‍ നിശ്ചിത സ്ഥാനത്തു തിരഞ്ഞെടുക്കുന്ന ബ്രാഞ്ച് രേഖപ്പെടുത്തണം. അപേക്ഷകര്‍ക്ക് ഇ-മെയില്‍ വിലാസം, മൊബൈല്‍ നമ്പര്‍ എന്നിവ നിര്‍ബന്ധമാണ്. അപേക്ഷ സമര്‍പ്പിച്ചാല്‍ റജിസ്‌ട്രേഷന്‍ നമ്പര്‍ ലഭിക്കും. http://joinindiancoastguard.gov.in/reprint.aspx എന്ന ലിങ്കില്‍ നിന്നു ഓഗസ്റ്റ് 20 മുതല്‍ ഓഗസ്റ്റ് 30 വരെ പൂരിപ്പിച്ച അപേക്ഷയുടെ പ്രിന്റ് ഔട്ട് എടുക്കാന്‍ സാധിക്കും. ഉദ്യോഗാര്‍ഥി റജിസ്‌ട്രേഷന്‍ നമ്പര്‍ സഹിതം പൂരിപ്പിച്ച അപേക്ഷയുടെ മൂന്ന് പ്രിന്റ് ഔട്ട് എടുക്കണം. തിരഞ്ഞെടുപ്പു കേന്ദ്രത്തിലെത്തുമ്പോള്‍ ഒരു പ്രിന്റ്ഔട്ടിനൊപ്പം പ്രായം തെളിയിക്കുന്നതിന് എസ്എസ്എല്‍സി സര്‍ട്ടിഫിക്കറ്റിന്റെ പകര്‍പ്പ്, ഡിപ്ലോമ സര്‍ട്ടിഫിക്കറ്റിന്റെയും മാര്‍ക്ക്‌ലിസ്റ്റിന്റെയും പകര്‍പ്പുകള്‍ മറ്റു ബന്ധപ്പെട്ട രേഖകള്‍ എന്നിവയും വയ്ക്കണം. ബന്ധപ്പെട്ട രേഖകളുടെ അസലും പരിശോധനയ്ക്കായി കയ്യില്‍ കരുതണം. വിശദവിവരങ്ങള്‍ക്കു വെബ്‌സൈറ്റ്: