ഏതു തൊഴിൽ മേഖലയിൽ ജോലി ചെയ്യുന്നവർക്കും ബോസിന്‍റെ പ്രീതി പിടിച്ചു പറ്റണം എന്ന താല്‍പര്യമുണ്ടാകുമെങ്കിലും പലപ്പോഴും അത് സാധിക്കാറില്ല.മേലധികാരിയുമായുള്ള ആരോഗ്യകരമായ സൗഹൃദം ജോലിയുടെ സ്ട്രെസ് കുറക്കാൻ സഹായിക്കും. സ്ഥാപനത്തിന്റെ ലക്ഷ്യങ്ങളറിഞ്ഞു പ്രവർത്തിക്കാനും ഇത് സഹായകമാകും. ബോസിനെ പ്രീതിപ്പെടുത്താൻ ചില കാര്യങ്ങള്‍ ശ്രദ്ധിക്കാം.
ബോസിനെ പ്രീതിപ്പെടുത്താന്‍ 5 വഴികള്‍
1. പുഞ്ചിരിയോടെ അഭിസംബോധന ചെയ്യാം
എപ്പോൾ മുതിർന്ന ഉദ്യോഗസ്ഥനെ കണ്ടു മുട്ടിയാലും ഹൃദ്യമായ പുഞ്ചിരിയോടെ അഭിസംബോധന ചെയ്യുക. അത് വളരെ പ്രധാനമാണ്.
2. ഓഫീസിൽ നിന്ന് നേരത്തെ പോകാതിരിക്കുക
ബോസ് ഓഫീസിൽ നിന്ന് ജോലി തീർത്തു പോയതിനു ശേഷം മാത്രം ഓഫീസ് വിട്ട് ഇറങ്ങുക. ബോസ് പോകുന്നതിനു മുൻപ് ഒാഫീസില്‍ നിന്ന് പോയാൽ അത് നിങ്ങളെ കുറിച്ച് മോശം അഭിപ്രായം ഉണ്ടാക്കും.
3. അമിത ചോദ്യങ്ങൾ ഒഴിവാക്കുക
ചോദ്യങ്ങൾ ചോദിക്കേണ്ടത് അനിവാര്യമാണ്. എന്നാൽ മീറ്റിങ്ങിനിടയിലും മറ്റും ഒരുപാട് ചോദ്യങ്ങൾ ചോദിച്ച് ബോസിനെ മുഷിപ്പിക്കാതിരിക്കാൻ ശ്രദ്ധിക്കുക.
4 . ഡെഡ്‌ലൈൻ പാലിക്കുക
വളരെ നേരത്തെ ജോലി ആരംഭില്ലെങ്കിലും കൃത്യ സമയത്ത് പൂർത്തിയാക്കേണ്ട ജോലികൾ പൂർത്തിയാക്കി എന്ന് ഉറപ്പു വരുത്തുക.
5. പ്രശ്‍നങ്ങൾക്ക് പരിഹാരം കാണാം
പ്രശ്‌നങ്ങൾക്ക് പരിഹാരം കാണണമെന്ന് ആരാണ് ആഗ്രഹിക്കാത്തത്. പ്രശ്‌നങ്ങൾ അവതരിപ്പിക്കുന്നതോടൊപ്പം അവ എങ്ങനെ മറികടക്കാം എന്നും പറയുക. പ്രശ്‍നങ്ങളും പരാതികളും മാത്രം പറഞ്ഞാൽ അത് ബോസിലും മറ്റു മേലുദ്യോഗസ്ഥരിലും അനിഷ്ടം മാത്രമേ ഉണ്ടാക്കൂ.