ജോലിയിലെ സ്ട്രെസ് ജീവനെടുക്കും
ഇന്ന് ജീവിതത്തിന്റെ ഭാഗമായി കഴിഞ്ഞ ഒന്നാണ് സ്ട്രെസ് . പഠനവും ജോലി സൗകര്യങ്ങളും വർദ്ധിച്ചു വരുന്നതിനനുസരിച്ചു പ്രത്യേകിച്ചും ഹൈ ഫൈ ജോലികളിൽ ജോലി സ്ട്രെസും കൂടുതലാണ്.
കഠിനമായ ജോലിഭാരം, ചിട്ടയില്ലാത്ത ജീവിതം, ഭക്ഷണത്തിലെ പ്രശ്നങ്ങൾ തുടങ്ങി സ്ട്രെസിന് കാരണമാകാവുന്ന കാരണങ്ങൾ പലതാണ്. ഇതെല്ലാം ഒരു പരിധി വരെ പ്രൊഫഷണലുകളിൽ കണ്ടുവരുന്ന പ്രശ്നങ്ങളുമാണ്.
സ്ട്രെസ് മാനസികമായും ശാരീരികമായും ആളുകളെ ബാധിയ്ക്കും. ഇതിനു പുറമെ കുടുംബന്ധങ്ങളെ വരെ ഇത് ബാധിയ്ക്കാം.
സ്ട്രെസ് മാറ്റി നിർത്താൻ ഇതാ മറ്റൊരു കാരണംകൂടി. ജോലി നിങ്ങൾക്ക് അനാവശ്യ സമ്മർദ്ദവും മാനസിക സംഘർഷങ്ങളും നല്കുന്നുണ്ടെങ്കിൽ
നിങ്ങളുടെ ആരോഗ്യം നശിക്കുന്നതിനൊപ്പം ജീവനും നഷ്ടപ്പെട്ടേക്കാം.അമേരിക്കയിലെ ഇന്ത്യാന സർവകലാശാലയിൽ നടന്ന പഠനത്തിലാണ് ഇത് വ്യക്തമായത്.ഉയർന്ന സമ്മർദ്ദത്തിൽ ജോലി ചെയ്യുന്നവരിൽ നേരത്തെ മരണപ്പെടാനുള്ള സാധ്യത 15.4 ശതമാനമാണ്. ജോലിയിൽ നിയന്ത്രണവും പൊതുവെ സമ്മർദ്ദം കുറവുമുള്ളവർക്ക് മരണ സാധ്യത 34 ശതമാനം കുറവാണെന്നും പഠനത്തിൽ നിന്ന് വ്യക്തമായി.
സ്ട്രെസ് കുറക്കാനുള്ള ചില വഴികൾ പറയാം.
ഓഫീസ് ജോലിയ്ക്കിടെ ദീർഘമായി ശ്വസിക്കുകയും നിശ്വസിക്കുകയും ചെയ്യുക.സ്ട്രെസ്, ടെൻഷൻ എന്നിവയെ അകറ്റി നിർത്താൻ ഇത് സഹായിക്കും.
ദേഷ്യപ്പെടുകയും മറ്റുള്ളവരോട് വാദപ്രതിവാദത്തിനു പോവുകയും ചെയ്യുന്നത് ഓഫീസ് സ്ട്രെസ് കൂട്ടും. ശാന്തമായിരുന്നു ജോലി ചെയ്യുക. നിയന്ത്രണം നഷ്ടപ്പെടുന്നവെന്നു തോന്നിയാൽ പുറത്തിറങ്ങി നടക്കുക.
കാപ്പി കുടിയ്ക്കുന്നത് കഴിവതും ഒഴിവാക്കുക. ഇതിലെ കഫീൻ സ്ട്രെസ് കൂട്ടാനിടയുള്ള ഒരു വസ്തുവാണ്.
യോഗ, നല്ല ഭക്ഷണം പ്രത്യേകിച്ച് വൈറ്റമിൻ സി അടങ്ങിയ കാരറ്റ്, ഓറഞ്ച തുടങ്ങിയവ ഭക്ഷണത്തിൽ ഉൾപ്പെടുത്തുക ,ധാരാളം വെള്ളം കുടിയ്ക്കുക എന്നിവ സ്ട്രെസ് അകറ്റാൻ സഹായിക്കും.
https://www.facebook.com/Malayalivartha