സെറ്റ് ജയിച്ചവർ ഒരുവര്ഷത്തിനകം സർട്ടിഫിക്കറ്റിനു അപേക്ഷിക്കണം
എല്ബിഎസ് സെന്റര് നടത്തുന്ന സ്റ്റേറ്റ് എലിജിബിലിറ്റി ടെസ്റ്റ് പാസായവര് പരീക്ഷയുടെ ഫലപ്രഖ്യാപനം നടത്തിയ തീയതി മുതല് ഒരു വര്ഷത്തിനകം സര്ട്ടിഫിക്കറ്റിന് അപേക്ഷ നല്കണമെന്ന് ഡയറക്ടര് അറിയിച്ചു. ഒരു വര്ഷത്തിനുശേഷം അടുത്ത ഒരു വര്ഷം വരെയുളള കാലയളവില് അപേക്ഷിക്കുന്നവര് 500 രൂപ പിഴയായി നല്കണം. ഈ കാലയളവിനുശേഷമുളള ഓരോ വര്ഷത്തിനും മേല്പറഞ്ഞ തുകയ്ക്കു പുറമേ 250 രൂപ വീതം അധികം നല്കണം. മുന്കാലങ്ങളില് നടത്തിയ പരീക്ഷകള്ക്കും ഇത് ബാധകമായിരിക്കും. ബിരുദാനന്തരബിരുദം/ബിഎഡ് അവസാനവര്ഷം പഠിച്ചുകൊണ്ടിരിക്കുമ്പോള് സെറ്റ് പരീക്ഷ എഴുതിയവര് ഫലം പ്രസിദ്ധീകരിച്ച് ഒരു വര്ഷത്തിനകംതന്നെ സര്ട്ടിഫിക്കറ്റുകള് വാങ്ങിയില്ലെങ്കില് അയോഗ്യരായി കണക്കാക്കുമെന്നും ഡയറക്ടര് അറിയിച്ചു.
Read more: http://www.deshabhimani.com/education/set-rank/602641
https://www.facebook.com/Malayalivartha