നീറ്റ് പരീക്ഷയെഴുതാന് പ്രായപരിധിയില്ലെന്ന് സുപ്രീംകോടതി
മെഡിക്കല് പ്രവേശനത്തിനുള്ള ദേശീയ യോഗ്യതാ പരീക്ഷക്ക്(നീറ്റ്)അപേക്ഷിക്കാന് ഈ വര്ഷം പ്രായപരിധി ബാധകമല്ലെന്ന് സുപ്രീം കോടതി. അപേക്ഷ സമര്പ്പിക്കാനുള്ള അവസാന തീയതി ഏപ്രില് അഞ്ച് വരെ നീട്ടി കോടതി ഉത്തരവിട്ടു. സി.ബി.എസ്.ഇ പുറത്തിറക്കിയ വിജ്ഞാപനത്തില് അപേക്ഷിക്കാനുള്ള പ്രായപരിധി 25 വയസ് എന്നാണ് രേഖപ്പെടുത്തിയിരുന്നത്. സുപ്രീംകോടതി ഉത്തരവോടെ 25 ന് മുകളില് പ്രായമുള്ളവര്ക്കും നീറ്റിന് അപേക്ഷിക്കാം.
നീറ്റ് വിജ്ഞാപനത്തിലെ നിബന്ധനക്കെതിരെ വിദ്യാര്ത്ഥികള് നല്കിയ ഹര്ജികള് പരിഗണിച്ചാണ് കോടതിയുടെ തീരുമാനം. ഈ വര്ഷത്തെ പരീക്ഷക്ക് പ്രായപരിധിയെ അനുകൂലിച്ച് ഏതെങ്കിലും ഹൈക്കോടതികള് ഉത്തരവ് പുറപ്പെടുവിച്ചിട്ടുണ്ടെങ്കില് അത് അസാധുവാകുമെന്നും സുപ്രിം കോടതി പറഞ്ഞു. മെയ് ഏഴിനാണ് നീറ്റ് പരീക്ഷ.
https://www.facebook.com/Malayalivartha