സ്വാശ്രയ മെഡിക്കല്‍ ഫീസ് പുതുക്കി നിശ്ചയിച്ചു; ജനറൽ സീറ്റിൽ 5 ലക്ഷം
സംസ്ഥാനത്തെ സ്വാശ്രയ മെഡിക്കല്‍/ഡന്റല്‍ കോളേജുകളിലെ ഫീസ് ഘടന
പുതുക്കി നിശ്ചയിച്ചു. എംബിബിഎസ് ജനറല്‍ സീറ്റിന് ഫീസ് 50,000 രൂപ കുറച്ച് അഞ്ച് ലക്ഷമാക്കി. അതേസമയം ബി.ഡി.എസ് ജനറല്‍ സീറ്റിന് ഫീസ് 2.9 ലക്ഷമായി വർധിപ്പിക്കുകയും ചെയ്തു. എന്‍.ആര്‍.ഐ സീറ്റിന് 20 ലക്ഷം തുടരാൻ തന്നെയാണ് തീരുമാനം.
സ്വാശ്രയ മെഡിക്കല്‍ പ്രവേശനത്തിനായി സര്‍ക്കാര്‍ ആദ്യം ഇറക്കിയ ഓര്‍ഡിനന്‍സില്‍ ഫീസ് നിര്‍ണയത്തിന് പത്തംഗസമിതിയുണ്ടാകുമെന്ന് വ്യവസ്ഥയുണ്ടായിരുന്നു. എന്നാൽ അത് ലങ്കിച് പ്രവേശനമേല്‍നോട്ട സമിതി ഫീസ് നിശ്ചയിച്ചതോടെ മാനേജ്‌മെന്റുകള്‍ കോടതിയെ സമീപിച്ചു. ഓര്‍ഡിനന്‍സില്‍ പിഴവ് വന്നതോടെ നേരത്തെ പ്രവേശനമേല്‍നോട്ട സമിതി നിശ്ചയിച്ച ഫീസ് നിര്‍ണയം അസാധു ആയി. അതോടെ സര്‍ക്കാര്‍ ആദ്യ ഓര്‍ഡിനന്‍സ് പിന്‍വലിച്ച് ഫീസ് നിര്‍ണയസമിതിയെ പ്രത്യേകം വ്യവസ്ഥ ചെയ്ത് പുതിയ ഓര്‍ഡിനന്‍സ് ഇറക്കുകയും കോടതിയെ അറിയിക്കുകയും ചെയ്തിട്ടുണ്ട്. കേസ് ഇന്ന് കോടതി പരിഗണിക്കാൻ ഇരിക്കുകയാണ്.
https://www.facebook.com/Malayalivartha
