ഉപരിപഠനം സ്വപ്നം കാണുന്ന പെണ്‍കുട്ടികള്‍ക്ക് ഇതാ ഒരു സുവർണാവസരം. ഉപരിപഠനത്തിന് രാജ്യത്തെ മികച്ച സ്ഥാപനങ്ങളില്‍ പ്രവേശനത്തിന് സഹായിക്കുക എന്ന ലക്ഷ്യത്തോട് കൂടി സി.ബി.എസ്.ഇ. പെണ്‍കുട്ടികള്‍ക്കായി ഏര്‍പ്പെടുത്തിയിരിക്കുന്ന ഉഡാന്‍ സ്‌കോളര്‍ഷിപ്പിന് അപേക്ഷ ക്ഷണിച്ചു. ജൂലായ് 31 നകം അപേക്ഷിച്ചിരിക്കണം.
അപേക്ഷകർ കേന്ദ്രീയ വിദ്യാലയം/നവോദയ/ സര്‍ക്കാര്‍ സ്‌കൂളുകള്‍/സര്‍ക്കാര്‍ അംഗീകൃത സ്‌കൂളുകളില്‍ പതിനൊന്നാം ക്ലാസില്‍ ഫിസിക്‌സ്, കെമിസ്ട്രി, കണക്ക് എന്നിവ പഠിക്കുന്നവരാവണം. വാര്‍ഷികവരുമാനം ആറുലക്ഷം രൂപയിൽ കവിയരുത്. 
പത്താം ക്ലാസില്‍ 70 ശതമാനം മാര്‍ക്ക് നേടിയിരിക്കണം. സയന്‍സിലും മാത്‌സിലും 80 ശതമാനം മാര്‍ക്ക് നേടി വിജയിച്ചവരായിരിക്കണം അപേക്ഷകർ.
കൂടുതൽ വിവരങ്ങള്‍ക്ക്: http://49.50.70.100/online/onlineasp/UdaanHome/udaan.html.