ഉപരിപഠനത്തിന് പെണ്‍കുട്ടികള്‍ക്ക് സി.ബി.എസ്.ഇ. സ്‌കോളര്‍ഷിപ്പ്
26 JULY 2017 12:19 PM IST
മലയാളി വാര്‍ത്ത
ഉപരിപഠനം സ്വപ്നം കാണുന്ന പെണ്‍കുട്ടികള്‍ക്ക് ഇതാ ഒരു സുവർണാവസരം. ഉപരിപഠനത്തിന് രാജ്യത്തെ മികച്ച സ്ഥാപനങ്ങളില്‍ പ്രവേശനത്തിന് സഹായിക്കുക എന്ന ലക്ഷ്യത്തോട് കൂടി സി.ബി.എസ്.ഇ. പെണ്‍കുട്ടികള്‍ക്കായി ഏര്‍പ്പെടുത്തിയിരിക്കുന്ന ഉഡാന്‍ സ്‌കോളര്‍ഷിപ്പിന് അപേക്ഷ ക്ഷണിച്ചു. ജൂലായ് 31 നകം അപേക്ഷിച്ചിരിക്കണം.
അപേക്ഷകർ കേന്ദ്രീയ വിദ്യാലയം/നവോദയ/ സര്‍ക്കാര്‍ സ്‌കൂളുകള്‍/സര്‍ക്കാര്‍ അംഗീകൃത സ്‌കൂളുകളില്‍ പതിനൊന്നാം ക്ലാസില്‍ ഫിസിക്‌സ്, കെമിസ്ട്രി, കണക്ക് എന്നിവ പഠിക്കുന്നവരാവണം. വാര്‍ഷികവരുമാനം ആറുലക്ഷം രൂപയിൽ കവിയരുത്.
പത്താം ക്ലാസില്‍ 70 ശതമാനം മാര്‍ക്ക് നേടിയിരിക്കണം. സയന്‍സിലും മാത്‌സിലും 80 ശതമാനം മാര്‍ക്ക് നേടി വിജയിച്ചവരായിരിക്കണം അപേക്ഷകർ.
കൂടുതൽ വിവരങ്ങള്‍ക്ക്: http://49.50.70.100/online/onlineasp/UdaanHome/udaan.html.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
