തമിഴ്‌നാട്ടില്‍ എന്‍ജി. പഠനം പൂര്‍ത്തിയാക്കാന്‍ സമയപരിധി നിശ്ചയിച്ചു
ഈ വര്‍ഷം മുതല്‍ തമിഴ്‌നാട്ടില്‍ എന്‍ജിനീയറിങ് പ്രവേശനം നേടുന്ന വിദ്യാര്‍ഥികള്‍ക്ക് പഠനം പൂര്‍ത്തിയാക്കുന്നതിനു സമയപരിധി നിശ്ചയിച്ചു. ഏഴ് വർഷമാണ് സമയപരിധി. എന്‍ജിനീയറിങ് പ്രവേശനം നേടുന്ന വിദ്യാര്‍ഥികള്‍ ഏഴു വര്‍ഷത്തിനുള്ളില്‍ എല്ലാ പരീക്ഷകളും വിജയിച്ചാല്‍മാത്രമെ ബിരുദസര്‍ട്ടിഫിക്കറ്റ് ലഭിക്കുകയുള്ളു. നാലുവര്‍ഷം ദൈര്‍ഘ്യമുള്ള കോഴ്‌സ് പൂര്‍ത്തിയാക്കുന്നതിനാണ് ഏഴുവര്‍ഷംവരെ സമയം അനുവദിക്കുന്നത്. അഞ്ചുവര്‍ഷം ദൈര്‍ഘ്യമുള്ള ബി.ആര്‍ക് കോഴ്‌സ് വിജയിക്കാന്‍ എട്ടുവര്‍ഷം സമയം അനുവദിച്ചിട്ടുണ്ട്.
കോഴ്‌സ് തീര്‍ന്നിട്ടും പല വിഷയങ്ങളിലും വിജയിക്കാത്ത വിദ്യാര്‍ഥികള്‍
വിജയിക്കാത്ത പേപ്പറുകൾ എഴുതുന്നതിനായി കാലങ്ങളോളം എടുക്കാറുണ്ട്. ഇത് അവസാനിപ്പിക്കാനാണ് സമയപരിധി കൊണ്ട് വന്നത് എന്ന് അധികൃതർ വ്യക്തമാക്കി.
അണ്ണാ സര്‍വകലാശാലയ്ക്കു കീഴിലുള്ള എന്‍ജിനീയറിങ് കോളജുകളില്‍ സെപ്റ്റംബര്‍ മുതല്‍ പുതിയ നിയമം പ്രാബല്യത്തില്‍വരും.
https://www.facebook.com/Malayalivartha
