വിദ്യാഭ്യാസ വായ്പയ്ക്ക് ഇനി ബാങ്കുകള് കയറിയിറങ്ങേണ്ട
വിദ്യാഭ്യാസ വായ്പയ്ക്ക് അപേക്ഷിക്കുന്നവർക്ക് ഇതാ ഒരു സദ്വാർത്ത. ഇനിമുതൽ വായ്പയ്ക്ക് അപേക്ഷിക്കാന് ബാങ്കുകള് കയറിയിറങ്ങേണ്ട, പകരം അപക്ഷകര് 'വിദ്യാലക്ഷ്മി' വെബ്സൈറ്റ് വഴി രജിസ്റ്റര് ചെയ്യണമെന്ന് കേന്ദ്രധനമന്ത്രാലയം നിര്ദേശിച്ചു. ഇതുസംബന്ധിച്ച ഉത്തരവ് അതത് ബാങ്കുകളിലെത്തിയിട്ടുണ്ട്.
ഒരേസമയം ഒന്നിലേറെ ബാങ്കുകളില് വായ്പയ്ക്കപേക്ഷിക്കാം എന്നതും രക്ഷിതാക്കള്ക്ക് ബാങ്കില് അക്കൗണ്ട് ഉണ്ടായിരിക്കണമെന്നില്ല എന്നതും വായ്പ ലഭ്യമാക്കൽ കൂടുതൽ സുഗമമാക്കുന്നു. വെബ് പോർട്ടൽ തുടങ്ങിയിട്ട് രണ്ടു വര്ഷം ആയെങ്കിലും ഇതിന്റെ പ്രയോജനം വായ്പയെടുക്കുന്നവര്ക്ക് കിട്ടിയിരുന്നില്ല. ഈ അധ്യയനവര്ഷം മുതലാണ് ഓണ്ലൈന് അപേക്ഷ നിര്ബന്ധമാക്കിയത്.
അപേക്ഷിക്കേണ്ടത് എങ്ങനെ
* വിദ്യാലക്ഷ്മി വെബ്സൈറ്റ് തുറന്ന് രജിസ്ട്രേഷൻ കോളം ക്ലിക്ക് ചെയ്യുക. ഓരോ ബാങ്കുകളും നല്കുന്ന വായ്പയുടെ വിവരങ്ങളും പലിശനിരക്കും ഈ സൈറ്റിലുണ്ടാകും.
* മൊബൈല് നമ്പറും ഇ-മെയില് വിലാസവും നല്കി യൂസര് ഐഡി ഉണ്ടാക്കുക.24 മണിക്കൂറിനുള്ളില് ഈ മെയിലിലേക്ക് ലിങ്ക് കിട്ടും. ആ ലിങ്ക് ഉപയോഗിച്ചാണ് അപേക്ഷിക്കേണ്ടത്.
* പേരും വിലാസവും കോഴ്സും കോഴ്സിന്റെ കാലാവധിയുമെല്ലാം പേജിൽ പൂരിപ്പിച്ച് സമര്പ്പിക്കണം.
* താമസസ്ഥലത്തിന് തൊട്ടടുത്ത പട്ടണത്തിലെ ബാങ്ക് ശാഖകളിലേ അപേക്ഷിക്കാന് പാടുള്ളൂ.
* മാര്ക്ക് ലിസ്റ്റ്, ആധാര്കാര്ഡ് എന്നിവ സ്കാന് ചെയ്ത് അപേക്ഷയോടൊപ്പം കാണിക്കണം.
* ചേരാന് ആഗ്രഹിക്കുന്ന കോഴ്സിന്റെ ഫീസ്ഘടന, കോളേജിന്റെ പേര് എന്നിവ ഉള്പ്പെടുത്തണം.
* അപേക്ഷകള് 24 മണിക്കൂറിനുള്ളില് അതത് ശാഖകളിലെത്തും.
* ശാഖാമനേജര്ക്ക് കൂടുതലെന്തെങ്കിലും വിവരം അറിയണമെങ്കില് ഇ-മെയില് വഴി ചോദിക്കണം.
* ഒരുമാസത്തിനകം വായ്പ അനുവദിച്ചോ ഇല്ലയോ എന്ന വിവരം ഇ-മെയിലില് ലഭിക്കും. അപേക്ഷ നിരസിച്ചാല് ബാങ്കുകൾ കൃത്യമായ കാരണം കാണിക്കുകയും വേണം.
https://www.facebook.com/Malayalivartha