സയന്സ് പ്രോജക്ടുകള് ചെയ്യുന്നതിനായി സാമ്പത്തിക സഹായം നല്കുന്നു
സ്കൂള് വിദ്യാര്ഥികളില് സയന്സ് പ്രോജക്ടുകള് ചെയ്യുവാനുള്ള താത്പര്യം വളര്ത്തിയെടുക്കുക എന്ന ലക്ഷ്യത്തോടെ കേരള ശാസ്ത്ര സാങ്കേതിക പരിസ്ഥിതി കൗണ്സില് (KSCSTE) ) സ്കൂള്, കോളേജ് വിദ്യാർത്ഥികൾക്ക് സയന്സ് പ്രോജക്ടുകള് ചെയ്യുന്നതിനായി സാമ്പത്തിക സഹായം നല്കുന്നു. Scheme for promoting young talents in science (SPYTIS) എന്ന പദ്ധതി പ്രകാരമാണ് ഇതു നടപ്പാക്കുന്നത്. ഒരു സ്കൂളിലെ 8 മുതല് 12 വരെ ക്ലാസുകളില് പഠിക്കുന്ന കുട്ടികളിൽ നിന്നും തിരഞ്ഞെടുക്കുന്ന ഗ്രൂപ്പുകൾക്ക് ഒരു പ്രോജക്ടിന് പരമാവധി 5000 രൂപ വരെ നൽകും. SPYTIS - I എന്ന പദ്ധതി പ്രകാരം ആണ് ഇത് അനുവദിക്കുന്നത്. ഒരു വര്ഷം കൊണ്ടാണ് പ്രോജക്ട് പൂര്ത്തിയാക്കേണ്ടത്.
കോളേജുകളിലെ ബിരുദതല കോഴ്സുകളിലും, പോളിടെക്നിക്കുകളിലും പഠിക്കുന്നവർക്കും ഈ പദ്ധതി പ്രകാരം സാമ്പത്തിക സഹായം ലഭ്യമാണ്. ഇവരിൽ നൂതന ആശയങ്ങൾ പ്രോത്സാഹിപ്പിക്കുവാനും ഗവേഷണതാത്പര്യം വളര്ത്തിയെടുക്കാനും ധനസഹായം നല്കുന്ന പദ്ധതിയാണ് SPYTIS-II. ഇതനുസരിച്ച് നൂതനമായ ആശയങ്ങള് ഉള്ള, വിദ്യാര്ഥികള്ക്ക് സയന്സ് പ്രോജക്ട് ചെയ്യുവാന് 10,000 രൂപ സഹായം അനുവദിക്കും. ഒരു വര്ഷം ആണ് കാലാവധി.
ഒരു അധ്യാപകന്റെ മാര്ഗനിര്ദേശത്തിലും മേല്നോട്ടത്തിലുമാണ് പ്രോജക്ട് സംബന്ധിച്ച പ്രവര്ത്തനങ്ങള് നടത്തേണ്ടത്. പ്രൊജക്റ്റ് ധനസഹായം മുന്കൂറായി വിദ്യാര്ഥി പഠിക്കുന്ന സ്ഥാപനത്തിലേക്കു കൈമാറുകയാണ് ചെയ്യുന്നത്. ധനസഹായം ലഭിക്കുന്നവര് KSCSTE സംഘടിപ്പിക്കുന്ന സയന്സ് ടാലന്റ് ഫെയര്, ചില്ഡ്രണ്സ് സയന്സ് കോണ്ഗ്രസ്, കേരള സയന്സ് കോണ്ഗ്രസ് എന്നിവയിലൊന്നില് പങ്കെടുത്ത്അവരുടെ പ്രോജക്ട്/കണ്ടെത്തലുകള് അവതരിപ്പിക്കാനും അവസരം ലഭിക്കുന്നു.
അപേക്ഷയും അനുബന്ധ രേഖകളും 2017 ഓഗസ്റ്റ് 21നകം ലഭിക്കത്തക്കവിധം 'The Head, Science Education Division (SED), Kerala State Council for Science, Technology and Environment, Sasthra Bhavan, Pattom, Thiruvananthapuram - 695 004' എന്ന വിലാസത്തിലേക്ക് അയയ്ക്കണം.
കൂടുതൽ അറിയാൻ www.kscste.kerala.gov.in. എന്ന വെബ്സൈറ്റ് സന്ദർശിക്കുക.
https://www.facebook.com/Malayalivartha