കേരള പബ്ലിക് സർവീസ് കമ്മീഷനിൽ ഒറ്റത്തവണ രജിസ്‌ട്രേഷൻ ഇനി അ​ഞ്ചു​ ഘട്ടങ്ങളായി മാത്രമേ ചെയ്യാൻ പറ്റൂ. ആ​ദ്യ ഘ​ട്ട​ത്തി​ൽ പ്രാ​ഥ​മി​ക വി​വ​ര​ങ്ങ​ൾ
നൽകുമ്പോൾ തന്നെ ഉ​ദ്യോ​ഗാ​ർ​ഥി​ക​ൾ​ക്ക് ന​ൽ​കി യൂ​സ​ർ ഐ​ഡി​യും പാ​സ്​​വേ​ഡും ലഭിക്കും. രജിസ്‌ട്രേഷൻ പൂർണമാകുന്നത് വരെ കാത്തിരിക്കേണ്ടതില്ല. പിന്നീട് സൗകര്യപൂർവം ലഭ്യമായ പാസ്സ്‌വേർഡ് കൊടുത്തു ലോഗിൻ ചെയ്തു അവശേഷിക്കുന്ന വിവരങ്ങൾ കൊടുക്കാവുന്നതാണ്. ചൊ​വ്വാ​ഴ്​​ച ചേ​ർ​ന്ന പി.​എ​സ്.​സി യോ​ഗ​ത്തി​ലാ​ണ്​ തീ​രു​മാ​നം. അ​ടു​ത്ത​യാ​ഴ്​​ച മു​ത​ൽ പുതിയ രീതി നിലവിൽ വരും.

ഒറ്റത്തവണ രജിസ്‌ട്രേഷൻ ചെയ്യുമ്പോൾ നിലവിൽ എല്ലാ വിവരങ്ങളും നൽകിയ ശേഷം മാത്രമാണ് യൂസർ ഐഡി യും പാസ്സ്‌വേർഡും കിട്ടുന്നത്. എന്നാൽ നി​ശ്ചി​ത സ​മ​യ​പ​രി​ധി​ക്ക​കം വി​വ​ര​ങ്ങ​ൾ അ​പ്​​ലോ​ഡ്​ ചെ​യ്യാ​ൻ ക​ഴി​ഞ്ഞി​ല്ലെ​ങ്കി​ൽ വീ​ണ്ടും ആവർത്തിക്കേണ്ടതായി വരാറുണ്ട്. എന്നാൽ പരിഷ്കരിച്ച മാതൃകയിൽ ഈ പ്രശ്നം ഉണ്ടാകുന്നില്ല എന്നത് ഇതിന്റെ ഒരു പ്രത്യേകതയായി കണക്കാക്കാം. അ​ഞ്ചു​ഘ​ട്ട​മാ​യി പൂ​ർ​ത്തീ​ക​രി​ച്ചാ​ൽ പ്രൊ​ഫൈ​ൽ പ​രി​ശോ​ധി​ച്ച്​ വി​വ​ര​ങ്ങ​ൾ ശ​രി​യെ​ന്ന്​ ഉറപ്പിക്കാവുന്നതാണ്.

ജ​ല​ഗ​താ​ഗ​ത​വ​കു​പ്പി​ൽ കൂ​ലി വ​ർ​ക്ക​ർ ത​സ്​​തി​ക​യി​ൽ യോ​ഗ്യ​രാ​യ ഉ​ദ്യോ​ഗാ​ർ​ഥി​ക​ൾ ആ​രും പ്രാ​യോ​ഗി​ക പ​രീ​ക്ഷ​ക്ക്​ ഹാ​ജ​രാ​കാ​ത്ത സാ​ഹ​ച​ര്യ​ത്തി​ൽ ചു​രു​ക്ക​പ്പ​ട്ടി​ക വി​പു​ല​പ്പെ​ടു​ത്താ​നും പി.​എ​സ്.​സി യോ​ഗം തീ​രു​മാ​നി​ച്ചു. മൃ​ഗ​സം​ര​ക്ഷ​ണ വ​കു​പ്പി​ൽ വെ​റ്റ​റി​ന​റി സ​ർ​ജ​ൻ ഗ്രേഡ് -2 ത​സ്​​തി​ക​ക്ക്​ ഇ​ൻ​റ​ർ​വ്യൂ നടത്തും. ജ​ല​ഗ​താ​ഗ​ത​വ​കു​പ്പി​ൽ സ്രാ​ങ്ക് ത​സ്​​തി​ക​ക്ക്​ പ്രാ​യോ​ഗി​ക പ​രീ​ക്ഷ ന​ട​ത്താ​നും യോ​ഗം തീരുമാനിച്ചു