പി.എസ്.സി വകുപ്പുതല പരീക്ഷ ഫീസ് നൂറുശതമാനം വർധന പ്രാബല്യത്തിൽ
കേരള പബ്ലിക് സർവീസ് കമ്മീഷൻ (പി.എസ്.സി) നടത്തുന്ന ഡിപ്പാർട്മെന്റൽ പരീക്ഷകളുടെ ഫീസ് വർധിപ്പിക്കാൻ ധാരണയായി. ഫീസ് നിരക്ക് നൂറുശതമാനം വർധിപ്പിക്കണമെന്ന പി.എസ്.സി സെക്രട്ടറിയുടെ ശിപാർശയിന്മേൽ ആണ് ഉത്തരവിറക്കിയത്. പരീക്ഷ ഫീസ്, ഒ.എം.ആര് ഷീറ്റിന്റെ കോപ്പിയുടെ ഫീസ്, സര്ട്ടിഫിക്കറ്റ് ഫീസ് എന്നിവ ഉൾപ്പെടുത്തിയാണ് വർദ്ധനവ് ഏർപ്പെടുത്തിയിരിക്കുന്നത്. ഫീസിനത്തിലെ ഈ ഇരട്ടി വർദ്ധനവ് ഉദ്യോഗാർത്ഥികളെ വലയ്ക്കുമെന്നതിൽ ആശങ്ക വേണ്ട.
പരീക്ഷ സര്ട്ടിഫിക്കറ്റിന് 100 രൂപ എന്നത് 200 ആയി ഉയര്ത്തി. ഡ്യൂപ്ലിക്കേറ്റ് സര്ട്ടിഫിക്കറ്റിന് ഇനി 1000 രൂപ നൽകണം. വകുപ്പുതല പരീക്ഷക്കുള്ള അപേക്ഷ ഫീസ് ഓരോ പേപ്പറിനും 75 എന്നത് 150 രൂപയാക്കി വർധിപ്പിച്ചു. ഒ.എം.ആര്. ഉത്തര പേപ്പര് പകര്പ്പ് ലഭിക്കുന്നതിന് 300 എന്നത് 600 രൂപയായും അഫിഡവിറ്റ് ഫീസ് 150ല്നിന്ന് 300 രൂപയാക്കിയും ഉയർത്തി.
ജനുവരിയിൽ വകുപ്പുതല പരീക്ഷ ഫീസ് വർധിപ്പിക്കാൻ പി.എസ്.സി യോഗം ശിപാർശ ചെയ്തതിന്റെ അടിസ്ഥാനത്തിൽ പി.എസ്.സി സെക്രട്ടറി ഏപ്രിൽ 26ന് അയച്ച കത്തിന്മേൽ ആണ് പൊതുഭരണ വകുപ്പ് പ്രിൻസിപ്പൽ സെക്രട്ടറിഫീസ് വർധിപ്പിച്ച് ഉത്തരവിറക്കിയത്.
https://www.facebook.com/Malayalivartha