സി.ബി.എസ്.ഇ. നല്‍കുന്ന 'ഒറ്റപ്പെണ്‍കുട്ടി' സ്‌കോളര്‍ഷിപ്പിന് ഇപ്പോൾ അപേക്ഷിക്കാം. പ്ലസ് ടു വിനു പഠിക്കുന്നതും രക്ഷിതാക്കളുടെ ഏകകുട്ടിയുമായ പെൺകുട്ടികൾക്കാണ് ഈ സ്കോളർഷിപ് അനുവദിക്കുന്നത്. എന്‍.ആര്‍.ഐ.ക്കാര്‍ക്കും അപേക്ഷിക്കാം. മാസം 500 രൂപ വീതം പരമാവധി രണ്ടു മാസത്തേക്കാണ് സ്കോളർഷിപ് നൽകുന്നത്.

ഇക്കഴിഞ്ഞ എസ് എസ് എൽ സി പരീക്ഷയില്‍ 60 ശതമാനം മാര്‍ക്ക് അല്ലെങ്കില്‍ 6.2 ക്യുമുലേറ്റീവ് ഗ്രേഡ് പോയന്റ് ആവറേജ് (CGPA) വാങ്ങി പതിനൊന്നാം ക്ലാസില്‍ പഠിക്കുന്നവരും പന്ത്രണ്ടാം ക്ലാസ്സിലും ഇതേ സ്കൂളിൽ തന്നെ പഠിക്കാൻ തീരുമാനിച്ചവരും ആകണം അപേക്ഷകർ. കൂടാതെ സ്‌കൂളില്‍ ബാധകമായ ട്യൂഷന്‍ ഫീസ് മാസം 1,500 രൂപയിൽ കൂടാനും പാടില്ല.

എൻ ആർ ഐ ക്കാർക്ക് ട്യൂഷന്‍ ഫീസ് മാസം 6000 രൂപയിൽ കൂടുതലാണെങ്കിൽ സ്കോളർഷിപ്പിന് അർഹതയില്ല. മാത്രവുമല്ല പതിനൊന്നാം ക്ലാളാസിൽ 50 ശതമാനം മാര്‍ക്ക് വാങ്ങി എങ്കിൽ മാത്രമേ തുടര്‍ന്നും സ്‌കോളര്‍ഷിപ്പ് അനുവദിക്കൂ.

2016 ല്‍ ഈ സ്‌കോളര്‍ഷിപ്പ് നേടിയ വിദ്യാർത്ഥികൾക്ക് അത് പുതുക്കാനും ഇപ്പോൾ അവസരമുണ്ട്. www.cbse.nic.in/newsite/scholar.html എന്ന വെബ്സൈറ്റില്‍ 'guidelines and application forms/apply online എന്ന ലിങ്ക് വഴി ഓണ്‍ലൈനായി വേണം അപേക്ഷിക്കാൻ. അപേക്ഷകയുടെ ഫോട്ടോ ഒട്ടിച്ച് സ്‌കൂള്‍ മേധാവി സാക്ഷ്യപ്പെടുത്തണം. ഇതേ ലിങ്കില്‍ ലഭിക്കുന്ന മാതൃകയിലുള്ള അഫിഡവിറ്റ് ഫസ്റ്റ്ക്ലാസ് ജുഡീഷ്യല്‍ മജിസ്‌ട്രേറ്റ്/SDM/എക്‌സിക്യൂട്ടീവ് മജിസ്‌ട്രേറ്റ്/ നോട്ടറി എന്നിവരില്‍ ഒരാളെകൊണ്ട്‌ സാക്ഷ്യപ്പെടുത്തി വാങ്ങുകയും വേണം.

അഫിഡവിറ്റ് സ്‌കാന്‍ ചെയ്ത് ഒരു എം.ബി. വലിപ്പത്തില്‍ കവിയാത്ത തരത്തില്‍ JPG ഫയലുകളാക്കി ഡോക്യുമെന്റ്‌ ലിങ്ക് വഴി അപ്‌ലോഡ് ചെയ്യുകയും വേണം. പ്രിന്‍സിപ്പലിന്റെ സാക്ഷ്യപത്രം ഉണ്ടാവണം. പൂര്‍ത്തിയാക്കിയ കണ്‍ഫര്‍മേഷന്‍ പേജ്, 'Scholarship unit, CBSE, shiksha kendra 2, Communtiy cetnre, Delhi 110092 എന്ന വിലാസത്തില്‍ അയക്കണം.