വജ്രജൂബിലിയുടെ ഭാഗമായി പി.എസ്.സി.യുടെ പ്രവര്‍ത്തനങ്ങള്‍ ഉദ്യോഗാര്‍ഥീ സൗഹൃദമാക്കുന്നതിനായി പി.എസ്.സി. ഫെയ്സ്ബുക്ക് പേജ് ആരംഭിച്ചു. ഫെയ്സ്ബുക്ക് പേജ് തുടങ്ങിയ കാര്യം പി.എസ്.സി ചെയര്‍മാൻ അഡ്വ. എം.കെ. സക്കീറാണ് അറിയിച്ചത്. പി.എസ്.സി.യുടെ പ്രവര്‍ത്തനങ്ങളുമായി ബന്ധപ്പെട്ട വീഡിയോകള്‍, ചിത്രങ്ങള്‍, വാര്‍ത്തകള്‍ തുടങ്ങിയവ നോട്ടിഫിക്കേഷനായി പേജില്‍ തത്സമയം ലഭിക്കും.

വിജ്ഞാപനങ്ങള്‍, പരീക്ഷാ കലണ്ടര്‍, അഭിമുഖത്തിന്റെ സമയക്രമം, അഡ്മിഷന്‍ ടിക്കറ്റ് ഡൗണ്‍ലോഡ് ചെയ്യുന്നതിനുള്ള അറിയിപ്പുകള്‍, പ്രസിദ്ധീകരിക്കുന്ന ചുരുക്കപ്പട്ടികകള്‍, റാങ്ക്പട്ടികകള്‍ തുടങ്ങിയവയും പേജിലുണ്ടാകും. ഔദ്യോഗിക പേജിന് വ്യാപകമായ അംഗീകാരം ലഭിക്കുന്നതോടെ വ്യാജപേജുകള്‍ തടയാനാകുമെന്ന് അധികൃതര്‍ അറിയിച്ചു.