ശത്രുക്കൾക്കു ഇനി രക്ഷയില്ല ഏത് പാതാളത്തിൽ ഒളിച്ചാലും ഇവൻ വരും;ഇന്റര്‍സെപ്റ്റര്‍ മിസൈല്‍ ഇന്ത്യ വിജയകരമായി പരീക്ഷിച്ചു
അഡ്വാന്‍സ്ഡ് എയര്‍ ഡിഫന്‍സ് സൂപ്പര്‍സോണിക് ഇന്റര്‍സെപ്റ്റര്‍ മിസൈല്‍ പരീക്ഷണം വിജയകരമായി പര്യവസാനിച്ചു .ഒഡീഷയിലെ ബലാസോര്‍ ടെസ്റ്റ് റേഞ്ചില്‍ വച്ച് നടന്ന പരീക്ഷണ പറക്കലിൽ താഴ്ന്നു പറക്കുന്ന ശത്രു മിസൈലുകളെ അങ്ങോട്ട് ചെന്ന് തകർക്കാമെന്നു തെളിയിച്ചു പുതിയ മിസൈൽ താരമായി.
ചാന്ദിപ്പൂരിൽ നിന്ന് വിക്ഷേപിച്ച ഇന്ത്യയുടെ തന്നെ പൃഥ്വി എന്ന മിസൈലിനെ റഡാറുകളുടെ സഹായത്തോടെ സിഗ്നലുകള്‍ പിടിച്ചെടുത്താണ് ആക്രമിച്ച്‌ തകര്‍ത്തത്.പൃഥ്വിയെ ലക്ഷ്യമാക്കി ബംഗാള്‍ ഉള്‍ക്കടലിലെ വീലര്‍ ദ്വീപില്‍ നിന്ന് വിക്ഷേപിച്ച പ്രതിരോധ മിസൈല്‍ ഭൗമാന്തരീക്ഷത്തില്‍ 30 കിലോമീറ്റർ ദൂരത്തിൽ വിജയം കണ്ടു.
7.5 മീറ്റര്‍ നീളമുള്ള ഇന്റര്‍സെപ്ടര്‍ മിസൈൽ ദിശാനിര്‍ണയ സംവിധാനം, ഹൈടെക് കമ്പ്യൂട്ടർ, ഇലക്‌ട്രോ മെക്കാനിക്കല്‍ ആക്ടിവേറ്റര്‍ എന്നിവയുടെ സഹായത്തോടെയാണ് ശത്രു മിസൈലിനെ തകർക്കുന്നത്.ഇന്റർസെപ്റ്റർ മിസൈലിന്റെ കണ്ടു പിടുത്തത്തോടു കൂടി പ്രതിരോധ മിസൈല്‍ ശേഷിയുള്ള ലോക രാജ്യങ്ങളുടെ പട്ടികയില്‍ ഇന്ത്യയുടെ സ്ഥാനം മികവുറ്റതാക്കി.
https://www.facebook.com/Malayalivartha
