നടി സോണാലി ബേന്ദ്രയ്ക്ക് ക്യാന്‍സര്‍ സ്ഥിരീകരിച്ചു; ദുഖകരമായ വാര്‍ത്ത വെളിപ്പെടുത്തിയത് ഇന്‍സ്റ്റാഗ്രാമിലൂടെ; താരം വിദഗ്ദ ചികിത്സയ്ക്കായി താരം ന്യൂയോര്‍ക്കില്‍
പ്രശസ്ത ബോളിവുഡ് നടി സോണാലി ബേന്ദ്രയ്ക്ക് ക്യാന്‍സര്‍ സ്ഥിരീകരിച്ചു. സോണാലി തന്നെയാണ് താന്‍ അര്‍ബുദ രോഗിയാണെന്ന കാര്യം ഇന്‍സ്റ്റഗ്രാമിലൂടെ പങ്കുവച്ചത്. തനിക്ക് ഹൈ ഗ്രേഡ് ക്യാന്‍സര്‍ ആണെന്നാണ് താരം വെളിപ്പെടുത്തിയത്. ന്യൂയോര്‍ക്കില്‍ ചികിത്സയിലാണെന്നും സോണാലി വ്യക്തമാക്കി.
തന്നോടൊപ്പം കുടുംബവും സുഹൃത്തുക്കളും ഉണ്ടെന്നും ക്യാന്‍സറിനെ ധൈര്യത്തോടെ തോല്‍പ്പിക്കുമെന്നും സോണാലി ഇന്‍സ്റ്റാഗ്രാമില്‍ കുറിച്ചു. സോണാലിയുടെ ശരീരാവയവങ്ങളിലേക്ക് ക്യാന്‍സര്‍ പടര്‍ന്നതും ആശങ്കയ്ക്ക് കാരണമായിട്ടുണ്ട്. സോണാലിയുടെ രോഗവിവരം ആരാധകര്‍ ഞെട്ടലോടെയാണ് കേട്ടറിഞ്ഞത്.
43 കാരിയായ സോണാലി ബേന്ദ്ര 1995 കാലഘട്ടങ്ങളില്‍ നിരവധി ഹിന്ദി സിനിമയിലെ സൂപ്പര്‍ ഹീറോയിന്‍ ആയിരുന്നു. ഹിന്ദിക്ക് പുറമേ, തെലുങ്ക്, തമിഴ്, മറാഠി, കന്നഡ ഭാഷകളിലും അഭിനയിച്ചിട്ടുണ്ട്. ഒട്ടനവധി ടെലിവിഷന്‍ ഷോകളിലും സോണാലി വിധികര്‍ത്താവായി ശ്രദ്ധേയമായിരുന്നു.
https://www.facebook.com/Malayalivartha
