ബോളിവുഡ് താരങ്ങളിൽ താരമൂല്യം കൊണ്ടും പ്രശസ്തികൊണ്ടും ഖാൻ ത്രയങ്ങൾക്ക് തുല്യമായ സ്ഥാനമുള്ള നായകനാണ് അക്ഷയ് കുമാർ .ഒരുപക്ഷെ അവരേക്കാളേറെ ആരാധകർ ഇഷ്ട്ടപ്പെടുന്ന താരംകൂടിയാണ് അദ്ദേഹം .ജീവകാരുണ്യപ്രവർത്തനങ്ങൾ കൊണ്ടും നിലപാടുകൾകൊണ്ടും ബോളിവുഡിന് പ്രിയങ്കരനായ അക്ഷയ് രാഷ്ട്രീയത്തിലേക്ക് ചുവട്മാറ്റി ചവുട്ടുന്നു എന്നതാണ് പുതിയവിശേഷം . കനേഡിയൻ പൗരത്വമുള്ള താരം ഇന്ത്യൻ പൗരത്വവും സ്വീകരിക്കാൻ ഒരുങ്ങുകയാണ് .2019ലെ രാജ്യസഭാ തിരഞ്ഞെടുപ്പിൽ ബിജെപി ടിക്കറ്റില്‍ താരം മത്സരിച്ചേയ്ക്കുമെന്ന് ദേശീയമാധ്യമങ്ങൾ റിപ്പോർട്ട് ചെയ്യുന്നു . പഞ്ചാബിലോ ഡൽഹിയിലോ നിന്നാകും അക്ഷയ് ജനവിധിതേടുന്നത് . ബോളിവുഡിലെ ഈ രഹസ്യവർത്തമാനം താരവുമായി ബന്ധപ്പെട്ട വൃത്തങ്ങൾ ഇതുവരെയും സ്ഥിരീകരിച്ചിട്ടില്ല .

2014ലെ പോലെ 2019ലും വമ്പിച്ച ഭൂരിപക്ഷത്തോടെ വിജയിക്കാനുള്ള ബി.ജെ.പി യുടെ രഹസ്യനീക്കത്തിന്റെ ഭാഗമായാണ് സിനിമ രംഗത്തുനിന്നും പ്രശസ്തരെ തിരഞ്ഞെടുപ്പിൽ മത്സരിപ്പിക്കുന്നത് .ബോളിവുഡ് താരങ്ങള്‍, ക്രിക്കറ്റ് താരങ്ങള്‍, പദ്മ അവാര്‍ഡ് ജേതാക്കള്‍, നവസംരംഭകര്‍ എന്നിവരെ മത്സരിപ്പിക്കാന്‍ പാര്‍ട്ടി തീരുമാനിച്ചിരിക്കുന്നത്.

അക്ഷയ്കുമാറിനെ കൂടാതെ അനുപം ഖേര്‍, നാനാ പടേക്കര്‍, പരേഷ് റാവല്‍ എന്നിരും ബിജെപി ടിക്കറ്റില്‍ മത്സരിക്കാനിറങ്ങുമെന്നാണ് സൂചന. ഗായകരായ മനോജ് തിവാരി, ബാബുള്‍ സുപ്രിയോ, എഴുത്തുകാരന്‍ പ്രതാപ് സിന്‍ഹ എന്നിവരും ബിജെപിയ്ക്ക് വേണ്ടി മത്സരിക്കുമെന്നും സൂചനയുണ്ട് .