എന്റെ ജീവിതത്തെക്കുറിച്ച്‌ ഒരു സിനിമയെടുത്താല്‍ ഞാന്‍ സ്വയം വിഡ്ഢിയാകുമെന്ന് അക്ഷയ് കുമാര്‍.  അടുത്തിടെ നടന്ന ഒരഭിമുഖത്തിലായിരുന്നു അക്ഷയുടെ ഇത്തരത്തിലുള്ള പ്രതികരണം. ജീവചരിത്ര സിനിമകള്‍ കൂടുതലായി വരുന്ന പ്രവണതയാണ് ഇപ്പോള്‍ ബോളിവുഡിലുളളത്. സഞ്ജയ് ദത്തിന്റൈ ജീവിത കഥയെ ആസ്പദമാക്കിയുളള സഞ്ജു ബോക്‌സ് ഓഫീസില്‍ തകർത്ത് ഓടി. സഞ്ജുവിന്റെ വന്‍വിജയത്തെ തുടര്‍ന്ന് ബോളിവുഡില്‍ നിരവധി ജീവചരിത്ര സിനിമകളുടെ ചര്‍ച്ചകള്‍ നടന്നിരുന്നു.

ഈ അവസരത്തിലാണ് അഭിമുഖത്തില്‍ തന്റെ ജീവിതം ഒരിക്കലും സിനിമയാക്കില്ലെന്ന് അക്ഷയ് കുമാര്‍ പറഞ്ഞത്. എന്റെ ജീവിതത്തെക്കുറിച്ച്‌ ഒരു സിനിമയെടുത്താല്‍ താന്‍ സ്വയം വിഡ്ഡിയാകുമെന്നാണ് അക്ഷയ് കുമാര്‍ പറയുന്നത്. ഒരിക്കല്‍ പോലും അങ്ങനെ ചിന്തിച്ചിട്ടില്ല. റിയല്‍ ഹീറോകളുടെ ജീവിതം സിനിമയാക്കാനാണ് ആഗ്രഹിക്കുന്നത്. സ്വന്തം ജീവിതത്തെക്കുറിച്ച്‌ ഒരു പുസ്തവും എഴുതില്ലെന്നും അക്ഷയ് കുമാര്‍ പറയുന്നു.

സഞ്ജു ഹിറ്റായതോടെ ജീവചരിത്ര സിനിമകള്‍ക്ക് പിന്നാലെയാണ് എല്ലാവരുമെന്ന് അക്ഷയ് കുമാര്‍ പറയുന്നു. ഒരു പ്രമേയത്തെ ആസ്പദമാക്കിയുളള സിനിമ വിജയിച്ചാല്‍ പിന്നെ എല്ലാവരും അതിനു പുറകെയാണ്. എന്നാല്‍ വ്യത്യസ്ത സിനിമകള്‍ എല്ലായ്‌പ്പോഴും വരണമെന്നാണ് തന്റെ ആഗ്രഹമെന്നും അക്ഷയ് കുമാർ അഭിമുഖത്തില്‍ പറഞ്ഞു.