പ്രണയസാഫല്യത്തിനായി ഉത്തരാഖണ്ഡിൽ നിന്ന് ബാന്ദ്രയിലേക്ക് ; സല്‍മാന്‍ ഖാനെ വിവാഹം ചെയ്യണമെന്ന ആവശ്യവുമായി ഗാലക്‌സി അപ്പാര്‍ട്‌മെന്റിന് സമീപമെത്തിയ മാനസിക വൈകല്യമുള്ള യുവതിയെ ഗാര്‍ഡുകള്‍ തടഞ്ഞു
ബോളിവുഡ് താരം സല്‍മാന്‍ ഖാനെ വിവാഹം ചെയ്യണമെന്ന ആവശ്യവുമായി മാനസിക വൈകല്യമുള്ള സ്ത്രീ ബാന്ദ്രയിൽ. മുംബയില്‍ എത്തിയ യുവതി സല്‍മാന്‍ താമസിക്കുന്ന ബാന്ദ്രയിലെ ഗാലക്‌സി അപ്പാര്‍ട്മെന്റില്‍ എത്തിയെങ്കിലും സുരക്ഷാ ഉദ്യോഗസ്ഥര്‍ അകത്തേക്ക് കയറ്റി വിട്ടില്ല.
ഉത്തരാഖണ്ഡ് സ്വദേശിയായ സ്ത്രീയാണ് മുബൈയിലേക്ക് പ്രിയ താരത്തിനെ കാണാനായി വണ്ടി കയറിയത്. ആഗസ്റ്റ് 11നാണ് ഇവര്‍ വീട്ടില്‍ നിന്ന് യാത്ര തിരിച്ചത്. സല്‍മാന്‍ ഖാനെ കാണാനാണ് താനെത്തിയതെന്ന് സ്ത്രീ ഗാര്‍ഡുകളെ അറിയിച്ചപ്പോൾ എന്തിനാണ് കാണുന്നതെന്ന് ചോദിച്ചപ്പോള്‍ താരത്തിനെ വിവാഹം കഴിക്കാനാണ് താന്‍ എത്തിയതെന്നായിരുന്നു സ്ത്രീയുടെ മറുപടി.
എന്നാല്‍ സുരക്ഷാ ഗാര്‍ഡുകള്‍ ഇവരെ അകത്തേക്ക് കടത്തി വിടാന്‍ തയ്യാറായില്ല. തുടര്‍ന്ന് നഗരത്തിലൂടെ അലക്ഷ്യമായി നടക്കുകയായിരുന്ന ഇവരെ നാട്ടുകാരാണ് പൊലീസിനെ വിളിച്ചേല്‍പിച്ചത്. സ്ത്രീയുമായി സംസാരിച്ചപ്പോള്‍ സംശയം തോന്നിയ പൊലീസുകാര്‍ ഇവരെ വൈദ്യപരിശോധനയ്ക്ക് വിധേയയാക്കുകയായിരുന്നു. വൈദ്യപരിശോധനയിലാണ് ഇവര്‍ക്ക് മാനസിക വൈകല്യമുള്ളതായി സ്ഥിരീകരിച്ചത്. ശേഷം സ്ത്രീയുടെ കുടുംബവുമായി പൊലീസ് ബന്ധപ്പെടുകയും സ്ത്രീയെ കൈമാറുകയും ചെയ്തു.
https://www.facebook.com/Malayalivartha
