മലയാളത്തിൽ നടൻ മോഹൻലാൽ അവതരിപ്പിക്കുന്ന ബിഗ്ബോസ് ഷോയ്ക്കും വലിയ ജനപ്രീതിയാണുള്ളത്. മലയാളത്തില്‍ പുതിയൊരു അനുഭവം തീർത്ത ബിഗ്‌ബോസ് ഹിന്ദിയില്‍ പന്ത്രണ്ടോളം പാര്‍ട്ടുകളായിരിക്കുകയാണ്. പരിപാടിയിലെ പുതിയ മത്സരാര്‍ത്ഥികളെ പ്രഖ്യാപിച്ചിരിക്കുകയാണ്. ബിഗ് ബോസിൽ മത്സരിക്കാൻ മുൻ ഇന്ത്യൻ ക്രിക്കറ്റ് താരം ശ്രീശാന്തുമെത്തുന്നു.

ഇത്തവണയും നിരവധി പ്രമുഖ സിനിമാ താരങ്ങളും മറ്റുമാണ് ബിഗ് ബോസ് മത്സരാര്‍ത്ഥികളായി എത്തിയിരിക്കുന്നത്. വര്‍ഷങ്ങളായി ബിഗ് ബോസ് ഹിന്ദിയുടെ അവതാരകന്‍ സല്‍മാന്‍ ഖാനാണ്. നിലവില്‍ പന്ത്രണ്ടാമത്തെ സീസണ്‍ സെപ്റ്റംബര്‍ പതിനാറിന് ആരംഭിച്ചിരിക്കുകയാണ്.

ഡച്ച് ടി.വി സീരിസ് ആയ ബിഗ് ബ്രദറില്ൽ നിന്നും പ്രചോദനമുൾക്കൊണ്ടാണ് ബിഗ് ബോസ് ഇന്ത്യൻ പ്രേക്ഷകരിലേക്കും എത്തിത്തുടങ്ങിയത്. പരിപാടിയുടെ ഹിന്ദി പതിപ്പാണ് ആദ്യം ആരംഭിച്ചത്. ശില്‍പ്പ ഷെട്ടി മുതല്‍ അമിതാഭ് ബച്ചന്‍, സല്‍മാന്‍ ഖാന്‍, സഞ്ജയ് ദത്ത്, ഫറാ ഖാന്‍ എന്നിങ്ങനെയുള്ള ബോളിവുഡിലെ വമ്ബന്‍ താരങ്ങളായിരുന്നു ഹിന്ദി ബിഗ് ബോസ് അവതാരകരായി മുൻപ് എത്തിയിരുന്നത്.

12 പേരാണ് ഇത്തവണയുള്ളത്. ശ്രീശാന്തിന് പുറമെ ശിവാഷിഷ് മിഷ്‌റായും സൗരവ് പട്ടേലും ദിപീക കാകര്‍ ഇബ്രാഹിമും നിര്‍മ്മല്‍ സിംഗും റോമില്‍ ചൗദരിയും നേഹ പണ്ഡ്‌സേയും അനൂപ് ജലോട്ടായും , ജസ്ലീന്‍ മത്താറുവും സോമി ഖാനും സബ ഖാനും സൃഷ്ടി റോഡും ആണ് മറ്റു മത്സരാര്‍ത്ഥികള്‍. മുൻപ് ഖത്രോൻ കെ കില്ലാടി, ജലക് ധിഖലാ ജാ എന്നീ ഹിന്ദി റിയാലിറ്റി ഷോകളിലും ശ്രീശാന്ത് മത്സരിച്ചിട്ടുണ്ട്.