മകള്‍ ആരാധ്യക്ക് അരോചകമായിത്തോന്നുന്ന സിനിമകള്‍ ഇനി ചെയ്യില്ലെന്ന തീരുമാനവുമായി അഭിഷേക് ബച്ചന്‍. മകള്‍ ആരാധ്യയെ ഓര്‍ത്തെ ഇനി ഏത് ജോലിയും തെരഞ്ഞെടുക്കൂ എന്നും അഭിഷേക് പറഞ്ഞു. തന്റെ പുതിയ ചിത്രമായ മാന്‍മര്‍സിയാന്‍ എന്ന ചിത്രത്തിന്റെ പ്രൊമോഷനുമായി ബന്ധപ്പെട്ട് മുംബൈയില്‍ നടന്ന പരിപാടിക്കിടെയായിരുന്നു അഭിഷേക് ഇക്കാര്യം പറഞ്ഞത്.

ഭാവിയില്‍ അവള്‍ എന്ത് തെരഞ്ഞെടുക്കണമെന്ന് ഞാനും അമ്മയായ ഐശ്വര്യ റായിയും ഒരിക്കലും നിര്‍ബന്ധിക്കില്ല. അതവളുടെ അവകാശമാണ് ഞങ്ങളതില്‍ ഇടപെടില്ലെന്നും,അവളെന്ത് തെരഞ്ഞെടുത്താലും പിന്തുണക്കും. കാരണം ഞങ്ങളോട് ഞങ്ങളുടെ രക്ഷിതാക്കളും ചെയ്തത് ഇത് തന്നെയാണ്.
കുടുംബ കാര്യത്തിലേക്ക് അവരൊരിക്കലും സിനിമ കൊണ്ടുവന്നിട്ടില്ല. അച്ഛന്‍ ഒരു സിനിമാ വേഷത്തില്‍ വീട്ടിലെത്തിയത് ഞാനാദ്യം കണ്ടത് ഇന്‍സാനിയാത്ത് എന്ന സിനിമയുടെ ഷൂട്ടിങ്ങ് സമയത്തായിരുന്നു. അന്ന് ഭക്ഷണം കഴിക്കാനായിരുന്നു ആ സിനിമയിലെ പൊലീസ് യൂണിഫോമില്‍ അച്ഛന്‍ വീട്ടിലെത്തിയത്. ഒരു താരദമ്ബതികളുടെ മക്കളെന്ന നിലയില്‍ ഒരിക്കലും തങ്ങളെ വളര്‍ത്തിയിട്ടില്ല എന്ന് അഭിഷേക് കൂട്ടിച്ചേര്‍ത്തു.

ആനന്ദ് എല്‍.റായ്, ഫാന്റം ഫിലിംസ് എന്നിവര്‍ ചേര്‍ന്ന് നിര്‍മ്മിക്കുന്ന അഭിഷേക് ബച്ചന്‍ നായകനായെത്തുന്ന പുതിയചിത്രമാണ് മാന്‍മര്‍സിയാന്‍. രണ്ട് പ്രണയ കഥകള്‍ പറയുന്ന ചിത്രത്തില്‍ തപ്സി പന്നുവാണ് നായിക. വിക്കി കൌശലാണ് ചിത്രത്തിലെ മറ്റൊരു താരം. അനുരാഗ് കശ്യപാണ് ചിത്രത്തിന്റെ സംവിധാനം. ആനന്ദ് എല്‍.റായ്, ഫാന്റം ഫിലിംസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അനുരാഗ് കശ്യപാണ് ചിത്രത്തിന്റെ സംവിധാനം.