ബോളിവുഡ് നടൻ വിവേക് ഒബ്രോയ് പ്രധാനമന്ത്രി നരേന്ദ്ര മോദിയായി എത്തുന്ന പി.എം നരേന്ദ്രമോദി എന്ന ചിത്രത്തിന്‍റെ ഫസ്റ്റ് ലുക് പോസ്റ്റർ കഴിഞ്ഞദിവസം പുറത്തുവന്നിരുന്നു. എന്നാൽ ചിത്രത്തിന്‍റെ ഫസ്റ്റ് ലുക്ക്
പോസ്റ്ററിനെ പരിഹസിച്ച് നിരവധി പേരാണ് ട്വിറ്ററിലൂടെ രംഗത്തെത്തിയിരിക്കുന്നത് . സമൂഹമാധ്യമങ്ങളിലും ഇതിനെ പരിഹസിച്ച്‌ ട്രോളുകൾ വന്നു . മോദിയുമല്ല , ഒബ്രോയിയുമല്ലെന്ന തരത്തിലുള്ള ട്രോളുകളാണ് ട്വിറ്ററിൽ പ്രചരിക്കുന്നത്

അതേസമയം, പി.എം നരേന്ദ്രമോദി എന്ന് പേരിട്ടിരിക്കുന്ന ചിത്രം ലോക്സഭാ തെരഞ്ഞെടുപ്പിന് മുന്നേ റിലീസ് ചെയ്യാനാണ് തീരുമാനം. രാജ്യത്തെ 23 ഭാഷകളിലായി പുറത്തിറക്കാനുദ്ദേശിക്കുന്ന സിനിമയുടെ സംവിധാനം ബി. ഒമങ് കുമാർ ആണ്.

സുരേഷ് ഒബ്റോയ്, സന്ദീപ്സിങ് എന്നിവരാണ് നിർമാതാക്കൾ. ഭൂരിഭാഗവും ഗുജറാത്തിലാണ് ചിത്രീകരിക്കുക. മേരി കോം, സരബ്ജിത് എന്നീ ചിത്രങ്ങള്‍ക്കു ശേഷം ഒമങ് സംവിധാനം ചെയ്യുന്ന ചിത്രം കൂടിയാണിത്. 2013 ൽ പുറത്തിറങ്ങിയ ‘ക്രിഷ്​ 3’ യിലാണ്​ വിവേക്​ ഒബ്രോയ്​ അവസാനമായി അഭിനയിച്ചത്​.