അവന് ഭാര്യയെ ഭയങ്കര പേടിയാണ്: അഭിഷേക് ബച്ചനെ പരിഹസിച്ച് സഹോദരി ശ്വേതാ ബച്ചന്
അച്ഛനും അമ്മയും സഹോദരനും സഹോദര ഭാര്യയുമെല്ലാം ബോളിവുഡിലെ ഒന്നാം നിര താരങ്ങളായിട്ടും ബച്ചന് കുടുംബത്തിലെ മകള് ശ്വേതാ ബച്ചന് എന്നും ബോളിവുഡില് നിന്ന് അകലം പാലിക്കുകയാണ്. നിരവധി അവസരങ്ങളുണ്ടായിട്ടും സിനിമയോട് ഒരു താല്പ്പര്യവും ശ്വേതാ ബച്ചന് കാണിച്ചിട്ടില്ല. പകരം മുത്തച്ഛന്റെ പാതയില് എഴുത്തിലേയ്ക്കാണ് അവര് തിരിഞ്ഞത്. എങ്കിലും സിനിമാ ഗോസിപ്പുകളില് ശ്വേതയും നിറയാറുണ്ട്. സഹോദര ഭാര്യ ഐശ്വര്യ റായുമായി വഴക്കിലാണെന്ന തരത്തില് വര്ഷങ്ങളായി ഗോസിപ്പുകള് വരുന്നുണ്ട്. എന്നാല് ഇരുവരും ഒന്നിച്ച് പൊതുവേദികളില് പ്രത്യക്ഷപ്പെട്ട് ഇവയുടെ വായടപ്പിക്കാറുണ്ട്. ഇപ്പോള് കോഫി വിത്ത് കരണ് ഷോയില് ഐശ്വര്യയുടെ പേരില് അഭിഷേകിനെ കളിയാക്കുന്ന ശ്വേതയുടെ വീഡിയോയാണ് വൈറലാകുന്നത്.
കോഫി വിത്ത് കരണ് ഷോയില് റാപ്പിഡ് ഫയര് റൗണ്ടില് അഭിഷേക് നേരിട്ട ഒരു ചോദ്യം അമ്മയേയാണോ ഭാര്യയെ ആണോ പേടി എന്നാണ്. അമ്മയെയാണ് പേടിയെന്ന് അഭിഷേക് പറഞ്ഞു. എന്നാല് ഉടനെ ശ്വേതയുടെ മറുപടിയെത്തി, അല്ല അവന് ഭാര്യയെയാണ് പേടി. ഇതോടെ 'ഇതെന്റെ റാപ്പിഡ് ഫയര് ആണ്. മിണ്ടാതിരിക്കൂ' എന്ന് അഭിഷേക് സഹോദരിയോട് പറഞ്ഞു. ഇതിന്റെ വീഡിയോ ഇപ്പോള് വൈറലായി കഴിഞ്ഞു.
https://www.facebook.com/Malayalivartha