നെഞ്ചില്‍ മൈക്ക് കുത്തുന്നതിനിടെ കത്രീനയോട് അശ്ലീല കമന്റ്: റണ്‍ബീര്‍ കപൂര്‍ വിവാദത്തില്‍
ബോളിവുഡിന്റെ പ്രീയപ്പെട്ട പ്രണയജോഡിയായിരുന്നു ഒരുകാലത്ത് റണ്‍ബീറും കത്രീനയും. ദീപികയുമായുള്ള പ്രണയം ഉപേക്ഷിച്ച ശേഷം റണ്‍ബീര്‍ കത്രീനയെ പ്രണയിക്കുകയായിരുന്നു. ഈ ബന്ധം വര്‍ഷങ്ങള്‍ നീണ്ടു നില്‍ക്കുകയും വിവാഹത്തിലെത്തുമെന്ന് സൂചനകള്‍ നല്‍കുകയും ചെയ്തതിന് പിന്നാലെ ഇതും അവസാനിച്ചു. ഇപ്പോള്‍ ആലിയയാണ് റണ്‍ബീറിന്റെ കാമുകി. മുന്‍ കാമുകി കൂടിയായ കത്രീനയോട് പൊതുവേദിയില്‍ വെച്ച് റണ്‍ബീര്‍ അശ്ലീല പരാമര്‍ശം നടത്തുകയും കത്രീന ദേഷ്യപ്പെടുകയും ചെയ്യുന്നതിന്റെ വീഡിയോയാണ് ഇപ്പോള്‍ വൈറലാകുന്നത്. ഇതോടെ റണ്‍ബീറിനെതിരെ ആരാധകര്‍ രംഗത്തെത്തി കഴിഞ്ഞു.
ക്രിക്കറ്റ് താരങ്ങള്‍ കെ എല്‍ രാഹുലിനും ഹാര്‍ദിക് പാണ്ഡ്യക്കും റണ്‍വീര്‍ സിങിനും പിന്നാലെയാണ് സ്ത്രീ വിരുദ്ധ പരാമര്‍ശം നടത്തിയതിന് പുലിവാല് പിടിച്ചിരിക്കുകയാണ് രണ്‍ബീര്‍ കപൂറും.10 വര്‍ഷങ്ങള്‍ക്ക് മുമ്പ് താരം ഒരു ചാനല്‍ പരിപാടിയില്‍ പറഞ്ഞ പരാമര്‍ശങ്ങള്‍ക്കെതിരേയാണ് രണ്‍വീര്‍ സിംഗിനെതിരെ വിമര്‍ശനങ്ങളുമായി ആളുകള്‍ രംഗത്തെത്തിയത്. അതുപോലെ ഒമ്പത് വര്‍ഷങ്ങള്‍ക്ക് മുമ്പ് പറഞ്ഞ ചില വാക്കുകളാണ് ഇന്ന് രണ്‍ബീര്‍ കപൂറിനെതിരെ സാമൂഹ്യ മാധ്യമങ്ങളില്‍ രൂക്ഷ വിമര്‍ശനം ഉയരാന്‍ കാരണമായത്.
രാജ്നീതി എന്ന രണ്‍ബീര്‍ കത്രീന സിനിമയുടെ പ്രചാരണവുമായി ബന്ധപ്പെട്ട് പരിപാടിയില്‍ പങ്കെടുക്കുന്നതിനിടെ രണ്‍ബീര്‍ കത്രീനയോട് മോശമായി പെരുമാറുന്ന ദൃശ്യങ്ങളാണ് സാമൂഹ്യമാധ്യമങ്ങളില്‍ പ്രചരിക്കുന്നത്. വസ്ത്രത്തില്‍ ലേപ്പല്‍ മൈക്ക് പിടിപ്പിക്കാന്‍ ശ്രമിക്കുന്ന കത്രീനയോട് താന്‍ സഹായിക്കണോ എന്ന് ചോദിക്കുന്നത് വീഡിയോയില്‍ കാണാം.
എന്തുകൊണ്ടാണ് നിങ്ങളുടെ മൈക്ക് വീണ് കൊണ്ടിരിക്കുന്നത്, അത് ഉറപ്പിക്കാന്‍ സഹായം ആവശ്യമുണ്ടോ?' എന്നാണ് കത്രീനയോട് രണ്‍ബീര്‍ ചോദിക്കുന്നത്. രണ്‍ബീറിന്റെ ചോദ്യം കേട്ട കത്രീന ദേഷ്യത്തോടെ താങ്കള്‍ ഇങ്ങനെ ചെയ്യരുതെന്ന് പറയുന്നതും ദൃശ്യങ്ങളില്‍ വ്യക്തമാണ്. അതുകണ്ട് ചിരിച്ച രണ്‍ബീര്‍ മറ്റുള്ളവരോട് ഇങ്ങനെ പറയുന്നു, 'അവള്‍ എല്ലാ ദിവസവും വഴക്കടിച്ച് കൊണ്ടേ ഇരിക്കുന്നു, സാര്‍.' രണ്‍ബീറിനെ അനുകൂലിച്ചും പ്രതികൂലിച്ചും നിരവധി പ്രതികരണങ്ങളും സോഷ്യല്‍ മീഡിയയില്‍ സജീവമാണ്.
https://www.facebook.com/Malayalivartha
