ഇന്ത്യാസ് മോസ്റ്റ് സ്റ്റൈലിഷ് എന്നെഴുതിയ ബാഡ്ജ് കോട്ടില് പിടിപ്പിച്ചുകൊടുക്കുന്നതിനിടെ പിന്ന് കുത്തിക്കയറി; 'ചോരയൊലിച്ച്' അക്ഷയ് കുമാര്!
ബോളീവുഡില് കോമഡി അടക്കം കൈകാര്യം ചെയ്യുന്ന മികച്ച നടനാണ് അക്ഷയ് കുമാര്. ഒരു അവാര്ഡ് വേദിയില് താരം ഒരുക്കിയ കുസൃതി സത്യത്തില് ആരാധകരെ ഞെട്ടിച്ചു. അക്ഷയ് ഇത്തവണ ഭാര്യമാതാവിനെയാണ് പറ്റിക്കുന്നത്.
ഹിന്ദുസ്ഥാന് ടൈംസ് നടത്തിയ അവാര്ഡ് നിശയില് വച്ചാണ് രസകരമായ സംഭവം. അക്ഷയ് കുമാറിനൊപ്പം ഭാര്യ ട്വിങ്ക്വിള് ഖന്നയും ഭാര്യാ മാതാവും നടിയുമായ ഡിംപിള് കപാഡിയയും എത്തിയിരുന്നു. മോസ്റ്റ് സറ്റൈലിഷ് അവാര്ഡ് ലഭിച്ചത് അക്ഷയ് കുമാറിനായിരുന്നു. വേദിയില് അവാര്ഡ് നല്കാന് എത്തിയതാകട്ടെ ഭാര്യാമാതാവ് ഡിംപിള് കപാഡിയയും.
പിന്നീടാണ് രസകരമായ സംഭവങ്ങളുടെ തുടക്കം. ഇന്ത്യാസ് മോസ്റ്റ് സ്റ്റൈലിഷ് എന്നെഴുതിയ ബാഡ്ജ് ഡിംപിള്, അക്ഷയ്യുടെ കോട്ടിന് മുകളില് കുത്തിക്കൊടുക്കുന്നതിനിടയിലാണ് പിന്ന് അദ്ദേഹത്തിന്റെ നെഞ്ചില് ' കുത്തിക്കയറിയത്'. കോട്ട് മാറ്റി നോക്കിയപ്പോള് ഷര്ട്ടിലൂടെ ചോര ഒലിക്കുന്നതാണ് കാണുന്നത്. ഇതോടെ എല്ലാവരും ഞെട്ടി.
എന്നാല് പിന്നീടാണ് ഇതൊക്കെ അക്ഷയുടെ തമാശയായിരുന്നു എന്ന വ്യക്തമായത്. ഇതിന്റെ വീഡിയോ വൈറലാകുകയാണ്. 'ഏതായാലും വല്ലാത്ത പിന്ന് കുത്തായിപ്പോയി' എന്ന് ആരാധകര് അമ്പരപ്പോടെയും ചിരിയോടെയും കമന്റിടുകയാണ്.
https://www.facebook.com/Malayalivartha
