സിനിമ ചിത്രീകരണത്തിനിടെ സിഗരറ്റ് വാങ്ങാന്‍ ലൊക്കേഷനില്‍ നിന്ന് പുറത്തിറങ്ങിയ ജൂനിയർ ആർട്ടിസ്റ്റുകൾക്ക് കിട്ടിയത് മുട്ടൻ പണി. ഹൃത്വിക് റോഷനും ടൈഗര്‍ ഷെറഫും മുഖ്യകഥാപാത്രങ്ങലായി എത്തുന്ന ചിത്രത്തിൽ തീവ്രവാദികളുടെ വേഷം ധരിച്ച നടന്മാർ ലൊക്കേഷൻ വിട്ട് പുറത്തിറങ്ങിയപ്പോഴാണ് സംഭവം. ജൂനിയർ ആർട്ടിസ്റ്റുകളായ ബല്‍റാമും അര്‍ബ്ബാസും ചെന്നെത്തിയത് മുംബൈപോലീസിന്റെ കൈകളിൽ. മും​ബൈ വാ​സൈ​യി​ലാ​ണ് സം​ഭ​വം. 

തീ​വ്ര​വാ​ദി​ക​ളു​ടെ ത​ര​ത്തി​ല്‍ വേ​ഷം ധ​രി​ച്ച്‌, ബു​ള്ള​റ്റ് വെ​സ്റ്റു​ക​ള്‍ ശ​രീ​ര​ത്തി​ല്‍ ചു​റ്റി ര​ണ്ടു പേ​ര്‍ ന​ഗ​ര​ത്തി​ല്‍ എ​ത്തി​യ​താ​യി വി​വ​രം ല​ഭി​ച്ച​തി​നെ തു​ട​ര്‍​ന്ന് മും​ബൈ പോ​ലീ​സ് ജാ​ഗ്ര​ത​യി​ലാ​യി. ക​ട​യി​ല്‍​നി​ന്നു സി​ഗ​ര​റ്റ് മേ​ടി​ച്ചെ​ന്നാ​യി​രു​ന്നു പോ​ലീ​സി​നു ല​ഭി​ച്ച വി​വ​രം. ഇ​തോ​ടെ തീ​വ്ര​വാ​ദി​ക​ള്‍​ക്കാ​യി പോ​ലീ​സ് തെ​ര​ച്ചി​ല്‍ ആ​രം​ഭി​ച്ചു. ഒ​രു മ​ണി​ക്കൂ​ര്‍ നീ​ണ്ട തെ​ര​ച്ചി​ലി​നൊ​ടു​വി​ല്‍ പോ​ലീ​സ് തീ​വ്ര​വാ​ദി​ക​ളെ പി​ടി​കൂ​ടി.

ഷൂട്ടിംഗ് ലൊക്കേഷനില്‍ നിന്ന് ഇരുവരേയും പൊക്കിക്കഴിഞ്ഞതിന് ശേഷമാണ്, പ്രതികള്‍ ഭീകരരല്ല, ദിവസക്കൂലിക്ക് അഭിനയിക്കാന്‍ വന്ന നടന്‍മാരാണെന്ന് പൊലീസിന് മനസിലായത്. വാ​സൈ​യി​ല്‍ ഷൂ​ട്ടിം​ഗ് ന​ട​ക്ക​വെ ഇ​വ​ര്‍ സി​ഗ​ര​റ്റ് വ​ലി​ക്കാ​ന്‍ പു​റ​ത്തി​റ​ങ്ങി​യ​പ്പോ​ഴാ​ണ് തീ​വ്ര​വാ​ദി​ക​ളാ​യി മാ​റി​യ​ത്.

ഇരുവരും ഒരു വാനിലാണ് സിഗരറ്റ് വാങ്ങാനെത്തിയത്. ഇതും ബലാകോട് മോഡല്‍ ഭീകരാക്രമണ ഭീഷണിയെന്ന ആശങ്ക ഉയര്‍ത്തി. വ്യാപാര സ്ഥാപനങ്ങളിലെ സിസിടിവി ദൃശ്യങ്ങളുടെ സഹായത്തോടെയാണ് ഇരുവരേയും പൊലീസ് കണ്ടെത്തി പിടികൂടിയത്.

സംഭവം കൈവിട്ടുപോയതോടെ ഇ​വ​രു​ടെ സ​ര്‍​ട്ടി​ഫി​ക്ക​റ്റു​ക​ളും മ​റ്റു രേ​ഖ​ക​ളും നി​ര്‍​മാ​ണ ക​ന്പ​നി പോ​ലീ​സി​ല്‍ സ​മ​ര്‍​പ്പി​ച്ചു. എ​ന്നി​രു​ന്നാ​ലും ഇ​വ​ര്‍​ക്കെ​തി​രേ കേ​സ് ര​ജി​സ്റ്റ​ര്‍ ചെ​യ്ത​താ​യി പോ​ലീ​സ് അ​റി​യി​ച്ചു. സ​മാ​ധാ​നം ത​ട​സ​പ്പെ​ടു​ത്തി, ഭീ​തി സൃ​ഷ്ടി​ച്ചു എ​ന്നീ കു​റ്റ​ങ്ങ​ളാ​ണ് ഇ​വ​ര്‍​ക്കെ​തി​രേ ചു​മ​ത്തി​യി​രി​ക്കു​ന്ന​ത്. സി​ദ്ധാ​ര്‍​ഥ് ആ​ന​ന്ദ് സം​വി​ധാ​നം ചെ​യ്യു​ന്ന ബോ​ളി​വു​ഡ് ചി​ത്ര​ത്തി​ലാ​ണ് ഋ​തി​ക് റോ​ഷ​നും ടൈ​ഗ​ര്‍ ഷ്റോ​ഫും ഒ​ന്നി​ച്ച്‌ അ​ഭി​ന​യി​ക്കു​ന്ന​ത്. വാ​ണി ക​പൂ​റും ചി​ത്ര​ത്തി​ല്‍ പ്ര​ധാ​ന ക​ഥാ​പാ​ത്ര​ത്തെ അ​വ​ത​രി​പ്പി​ക്കു​ന്നു. സം​ഭ​വം മും​ബൈ പോ​ലീ​സ് ട്വി​റ്റ​റി​ല്‍ പ​ങ്കു​വ​ക്കുകയായിരുന്നു.