ഹിന്ദു നടിമാരെല്ലാം അഭിനയം നിർത്തണം; ട്വീറ്റുമായി ഹിന്ദു മഹാസഭാ പ്രസിഡന്റ് ചക്രപാണി
വിശ്വാസത്തിൽ നിന്നും അകലുന്നതിനാൽ അഭിനയം നിർത്തുന്നുവെന്ന് ബോളിവുഡ് താരം സൈറ വസീം പറഞ്ഞത് കഴിഞ്ഞ ദിവസങ്ങളിൽ ഏറെ ചർച്ചയായിരുന്നു. നടിയുടെ തീരുമാനത്തിൽ സമ്മിശ്ര പ്രതികരണങ്ങൾ ഉണ്ടായി. എന്നാൽ ഹിന്ദു നടിമാരും ഇതേ മാതൃക പിന്തുടരണം എന്ന് പറഞ്ഞിരിക്കുയാണ് ഹിന്ദുമഹാസഭ പ്രസിഡന്റ് സ്വാമി ചക്രപാണി.
അഭിനയം നിര്ത്താനുള്ള സൈറ വസീമിന്റെ തീരുമാനം പ്രശംസനീയമാണെന്നും ഹിന്ദു നടിമാര് ആ പാത പിന്തുടരണമെന്നും ചക്രപാണി ട്വിറ്ററിലൂടെ അഭിപ്രായപ്പെട്ടു. മത ആചാരങ്ങളിൽ നിന്നും അല്ലാഹുവിൽ നിന്നും അഭിനയ ജീവിതം തന്നെ അകറ്റുന്നതിനാൽ ഈ രംഗം വിടുന്നതായാണ് സൈറ പറഞ്ഞത്. ഇത് പോലെ ഹിന്ദു നടിമാരും അഭിനയം നിർത്തി ഹിന്ദു ആചാരങ്ങളിൽ മുഴുകണമെന്നാണ് ചക്രപാണി നിർദേശിക്കുന്നത്. സൈറയുടെ തീരുമാനം അഭിനന്ദാർഹമാണ് എന്ന് പ്രശംസിച്ച ചക്രപാണി അത് പിന്തുടരുവാൻ ഹിന്ദു നടിമാരോട് ആഹ്വാനം ചെയ്യുകയായിരുന്നു. ചക്രപാണിയുടെ അഭിപ്രായത്തിനെതിരെ രൂക്ഷ വിമർശനം ഉയരുകയാണ്.
2016ല് തീയേറ്ററുകളിലെത്തിയ ആമീര് ഖാന് ചിത്രം ദംഗലിലൂടെ അഭിനയരംഗത്തെത്തിയ താരമാണ് സൈറ വസീം. മതപരമായ കാരണങ്ങള് കൊണ്ടാണ് സിനിമയില് നിന്ന് വിട്ടുനില്ക്കുന്നതെന്നും സിനിമ കാരണം മതപരമായ ബന്ധങ്ങൾ തന്നിൽ നിന്നും നഷ്ടമായി. ഈമനിൽ നിന്നും അകലുന്നതിനാൽ അഭിനയം അവസാനിപ്പിക്കുകയാണെന്നും സൈറ ഫേസ്ബുക്കിലൂടെ അറിയിച്ചു. മികച്ച അഭിനയത്തിന് ദേശീയ പുരസ്കാരം വരെ നേടിയ അഭിനേത്രിയാണ് സൈറ വസീം. സിനിമയിൽ വന്നതോടെ ജീവിതത്തിൻറെ എല്ലാ അനുഗ്രങ്ങളും നഷ്ടമായി. പ്രശസ്തിയും അംഗീകാരവും ജന ശ്രദ്ധയും ലഭിച്ചുവെങ്കിലും ഇതിലൊന്നും തൃപ്തയല്ല താനെന്നും ദൈവവുമായുള്ള ബന്ധം മാത്രമേ തന്നെ സന്തോഷിപ്പിക്കുകയുള്ളുവെന്നും താരം പറഞ്ഞു.
https://www.facebook.com/Malayalivartha