വിവാഹിതയല്ല, പക്ഷേ രണ്ടര വയസ്സുള്ള മകളുണ്ടെന്ന് നടി മാഹി ഗില്
ദേവ് ഡി, ദബാങ്, സാഹിബ് ബിവി ഓര് ഗാങ്സ്റ്റര് എന്നീ ചിത്രങ്ങളിലൂടെ പ്രശസ്തയായ നടി മാഹി ഗില് തന്റെ സ്വകാര്യജീവിതത്തെക്കുറിച്ച് ചില വെളിപ്പെടുത്തലുകള് നടത്തി. അവിവാഹിതയാണെങ്കിലും താന് മൂന്ന് വയസ്സുള്ള ഒരു പെണ്കുട്ടിയുടെ അമ്മയാണെന്ന് ഒരു ദേശീയ മാധ്യമത്തിനു നല്കിയ അഭിമുഖത്തില് നടി തുറന്നുപറഞ്ഞു. തന്റെ കാമുകന് ബിസിനസ്സ്മാന് ആണെന്നും മാഹി ഗില് പറഞ്ഞു.
'എനിക്ക് ഒരു കാമുകനുണ്ട്. അതില് രണ്ടര വയസ്സുള്ള ഒരു മകളുമുണ്ട്. വെറോണിക്ക എന്നാണ് അവളുടെ പേര്. എനിക്കതില് അഭിമാനമുണ്ട്. വിവാഹം കഴിച്ചില്ല എന്ന് കരുതി എനിക്കൊന്നും സംഭവിക്കാന് പോകുന്നില്ല. ഭാവിയില് വിവാഹിതയായേക്കാം. അങ്ങനെയൊരു ആഗ്രഹം മനസ്സില് ഉണ്ടായാല് മാത്രം. കുട്ടികള് ഉണ്ടാകാന് വിവാഹം കഴിച്ചിരിക്കണമെന്ന സങ്കല്പ്പത്തിനോട് എനിക്ക് യാതൊരു യോജിപ്പും ഇല്ല.'-മാഹി ഗില് പറയുന്നു.
തന്റെ പ്രശസ്തി മകളുടെ സ്വകാര്യതയെ ബാധിക്കുമെന്ന് തോന്നിയതിനാലാണ് ഇത്രയും കാലം ഈ വിവരം രഹസ്യമാക്കി വച്ചതെന്നും മാഹി പറയുന്നു. 'മറ്റുള്ളവരുടെ എതിര്പ്പ് ഞാന് കാര്യമാക്കുന്നില്ല. വിമര്ശകരോട് എനിക്കൊന്നും പറയാനില്ല. വിവാഹം മനോഹരമാണ്. പക്ഷേ തികച്ചും വ്യക്തിപരമായ തിരഞ്ഞെടുപ്പാണ്. എന്റെ കാര്യത്തില് മറ്റുള്ളവര് ഇടപെടേണ്ടതില്ല. എല്ലാവര്ക്കും അവരുടേതായ ശരികളും തെറ്റുമുണ്ട്.'-മാഹി ഗില് തന്റെ നയം വ്യക്തമാക്കി.
https://www.facebook.com/Malayalivartha
