ബോളിവുഡ് നടി പൂജ ബത്ര വീണ്ടും വിവാഹിതയാകുന്നു; വരൻ ബോളിവുഡ് നടൻ നവാബ് ഷാ; ഇരുവരും മലയള സിനിമകളിൽ അഭിനയിച്ചിട്ടുണ്ട്
നിരവധി മലയാള സിനിമകളിൽ അഭിനയിച്ച ബോളിവുഡ് നടി പൂജ ബത്ര രണ്ടാമതും വിവാഹിതയാകുന്നു. മലയാള സിനിമകളിൽ വില്ലൻ വേഷങ്ങളിൽ എത്തിയ നവാബ് ഷായാണ് വരൻ. ഇരുവരും ഉടന് തന്നെ വിവാഹിതരാകും. മോതിര മാറ്റം കഴിഞ്ഞതിൻറെ വീഡിയോ നവാബ് ഇൻസ്റ്റാഗ്രാമിൽ ഷെയര് ചെയ്തു. താൻ പ്രണയത്തിലാണെന്നുള്ള സൂചനകള് നല്കി നാൽപത്തു രണ്ടുക്കാരിയായ പൂജാ ചില ചിത്രങ്ങള് മുൻപു ഇൻസ്റ്റാഗ്രാമിൽ ഷെയര് ചെയ്തിരുന്നു. പ്രിയനൊപ്പം സമയം ചെലവിടുമ്പോള് ജീവിതം ആഘോഷമാണെന്നായിരുന്നു നടിയുടെ കുറിപ്പ്. പിന്നീട് നവാബിനൊപ്പമുള്ള ചിത്രങ്ങൾ താരം തന്നെ പങ്ക് വച്ചിരുന്നു. അതോടെ കാമുകൻ നവാബാണെന്നു മനസിലായി. ഇപ്പോഴിതാ ഇരുവരും തമ്മിലുള്ള വിവാഹനിശ്ചയം കഴിഞ്ഞിരിക്കുന്നു. മോതിരം ധരിച്ച പൂജയുടെ കൈയും അരികിലായി നവാബിന്റെ കൈയുമാണ് വിഡിയോയിൽ കാണുന്നത്. അതിനിടെ ഇരുവരുടെയും വിവാഹം കഴിഞ്ഞുവെന്നും ഹണിമൂൺ ആഘോഷത്തിലാണ് താരങ്ങൾ എന്ന രീതിയിൽ അഭ്യുഹങ്ങളും പരന്നിരുന്നു. വിവാഹം അടുത്ത മാസം ആയിരിക്കും എന്നാണ് വിവരം.
മോഹൻലാൽ നായകനായ ചന്ദ്രലേഖ, മമ്മൂട്ടി ചിത്രം മേഘം, ജയറാം നായകനായ ദൈവത്തിൻറെ മകൻ തുടങ്ങിയ സിനിമകളിലൂടെ മലയാളത്തിനു പരിചിതയാണ് പൂജ. ഏറെക്കാലമായി വെള്ളിത്തിരയിൽ നിന്നും മാറി നിന്ന പൂജ, ഹോളിവുഡ് സിനിമയിലൂടെ തിരിച്ചുവരവ് നടത്തിയിരുന്നു. 2017 ല് പുറത്തിറങ്ങിയ മിറര് ഗെയിം എന്ന ചിത്രത്തിലാണ് പൂജ അവസാനമായി വേഷമിട്ടത്. സിനിമയില് സജീവമല്ലെങ്കിലും സമൂഹമാധ്യമങ്ങളിലൂടെ തന്റെ വിശേഷങ്ങള് നടി ആരാധകരുമായി പങ്കുവയ്ക്കാറുണ്ടായിരുന്നു. പ്രണയ വാർത്തകളുമായി ബന്ധപ്പെട്ടാണ് പൂജ വീണ്ടും വർത്തകളിൽ ഇടം പിടിച്ചത്. 1993ല് ഫെമിന മിസ് ഇന്ത്യ കിരീടം സ്വന്തമാക്കിയ പൂജ 1997 മുതലാണ് അഭിനയ രംഗത്തേക്ക് വന്നത്. 2003ല് ഡോക്ടര് സോനു എസ് അലുവാലിയയുമായി പൂജാ ബത്രയുടെ വിവാഹം കഴിഞ്ഞിരുന്നു. എന്നാൽ 2011ല് ആ സോനു എസ് അലുവാലിയയും പൂജാ ബത്രയും വിവാഹമോചിതരായി. ബോളിവുഡ് ചിത്രങ്ങള്ക്ക് പുറമേ മലയാളം, തമിഴ്, തെലുങ്കു എന്നീ ഭാഷ ചിത്രങ്ങളിലും താരം അഭിനയിച്ചിട്ടുണ്ട്.
നവാബ് ഷായും മലയാളികൾക്കു പരിചിതനാണ്. മോഹൻ ലാൽ ചിത്രം കീർത്തി ചക്രയിൽ വില്ലനായി അഭിനയിച്ചിയിട്ടുണ്ട് നവാബ്. മമ്മൂട്ടി ചിത്രം രൗദ്രം, രാജാധിരാജ, ബ്ലാക്ക് ഡാലിയ,കാക്കി തുടങ്ങി നിരവധി മലയാള ചിത്രങ്ങളിൽ വില്ലൻ വേഷം ചെയ്തിട്ടുണ്ട്. ടൈഗര് സിന്ദഗി, ഭാഗ് മില്ഖ ഭാഗ്, ഡോണ് 2, ലക്ഷ്യ തുടങ്ങിയവയാണ് താരത്തിന്റെ മറ്റുപ്രധാനചിത്രങ്ങള്.
https://www.facebook.com/Malayalivartha