പഞ്ച നക്ഷത്ര ഹോട്ടലിൽ രണ്ടു റോബസ്റ്റ പഴം ഓർഡർ ചെയ്ത ബോളിവുഡ് താരം ഞെട്ടി
പഞ്ച നക്ഷത്ര ഹോട്ടലുകളിൽ സാധാരണ സാധനങ്ങൾക്ക് വില കൂടുതലാണല്ലോ. അവിടെ സന്ദർശിക്കുന്നവരും സാമ്പത്തികം കൂടുതലുള്ളവർ ആയിരിക്കും. എന്നാൽ അവിടുത്തെ ബിൽ കണ്ടു ഞെട്ടിയിരിക്കുകയാണ് ബോളിവുഡ് നടൻ രാഹുല് ബോസ്. . ഹോട്ടലിലെ ജിമ്മിൽ വർക്കൗട്ട് ചെയ്യുന്നതിനിടെ രണ്ട് പഴം രാഹുൽ ഓർഡർ ചെയ്തു. 442 രൂപയായിരുന്നു ബിൽ തുക. പഴത്തിനൊപ്പമെത്തിയ ബില്ല് കണ്ടാണ് അദ്ദേഹം ഞെട്ടിയത്. 375 രൂപയാണ് രണ്ട് പഴങ്ങളുടെ വില. ജി.എസ്.ടി കൂടി ചേരുമ്പോൾ 442.50 രൂപയെന്ന് ബില്ലില് അച്ചടിച്ചിട്ടുണ്ട്. താരം താൻ ഓര്ഡര് ചെയ്ത രണ്ട് റോബസ്റ്റ പഴത്തിന് ഈടാക്കിയിരിക്കുന്ന രൂപയെ വിഡിയോയിലൂടെ പങ്കു വച്ചിരുന്നു.
ചണ്ഡിഗഢില് ഷൂട്ടിങ്ങിനെത്തിയ താരം താമസിച്ച ജെ.ഡബ്ല്യു മാരിയറ്റ് ഹോട്ടലുകാരാണ് രണ്ട് പഴത്തിന് 450 രൂപ വില ഈടാക്കിയത്. ''നിങ്ങള് ഇത് വിശ്വസിക്കണമെങ്കില് ഈ ബില് തീര്ച്ചയായും കാണേണ്ടി വരും. പഴങ്ങള് നമ്മുടെ നിലനില്പ്പിന് ഹാനികരമല്ലെന്ന് ആരാണ് പറഞ്ഞത്.''- രാഹുല് ബോസ് ട്വിറ്ററില് ബില്ലിൻറെ ചിത്രമുള്പ്പെടെ പങ്കുവെച്ചു. ഒരു കിലോ റോബസ്റ്റ പഴത്തിന് മുപ്പത് മുതൽ നാൽപ്പത് രൂപവരെയാണ് സാധാരണഗതിയിൽ വില. എന്നാൽ രണ്ട് റോബസ്റ്റ പഴം ബോളിവുഡ് നടൻ രാഹുൽ ബോസ് വാങ്ങിയത് 442 രൂപയ്ക്കാണ്. ബിൽ കണ്ട് ഞെട്ടിയ രാഹുൽ ഇത്ര വിലകുറഞ്ഞ ഒന്നിന് ഇത്രയധികം വില ഈടാക്കിയതിലുള്ള തന്റെ അതൃപ്തി പ്രകടിപ്പിച്ചത് ട്വിറ്ററിൽ പോസ്റ്റ് ചെയ്ത വീഡിയോയിലൂടെയായിരുന്നു. ബോസിൻറെ വിഡിയോ നിരവധി പേര് ഇതിനോടകം തന്നെ പങ്കുവെച്ചിട്ടുണ്ടായിരുന്നു. എന്നാല് സിനിമ താരങ്ങളെ പോലെ പണം പ്രശ്നമല്ലാത്തവരാണ് മാരിയറ്റ് പോലുള്ള പഞ്ചനക്ഷത്ര ഹോട്ടലുകളില് താമസിക്കുകയെന്നും അതിനാല് ബില്ല് കാര്യമാക്കേണ്ടതില്ലെന്നുമാണ് ഒട്ടനവധി പേർ പറഞ്ഞിരിക്കുന്നത്.
.
https://www.facebook.com/Malayalivartha