എംടിവി റോഡീസ് താരം രഘു റാമും നതാലി ഡി ലൂഷ്യോയും ജീവിതത്തിലെ ഏറ്റവും സന്തോഷമുള്ള സാഹസികതയ്ക്ക് തയ്യാറായിക്കൊണ്ടിരിക്കുന്നു!
എംടിവി റോഡീസ് എന്ന ജനപ്രിയ പരിപാടിയൂടെ ജനപ്രിയ അവതാരകരില് ഒരാളാണ് രഘു റാം. 2018-ലാണ് സുഗന്ധ ഗാര്ഗുമായുള്ള ബന്ധത്തില് നിന്ന് രഘു റാം വിവാഹമോചനം നേടിയ ശേഷം നതാലി ഡി ലൂഷ്യോയെ വിവാഹം കഴിച്ചത്. കഴിഞ്ഞ ഡിസംബറില് ഗോവയില് വച്ച് ക്രിസ്ത്യന് മതാചാരപ്രകാരം നടന്ന ചടങ്ങില് ദക്ഷിണേന്ത്യന് രീതിയില് ആയിരുന്നു രഘു റാമിന്റെയും നതാലിയുടെയും വിവാഹം.
കഴിഞ്ഞ ദിവസം സമൂഹമാധ്യമങ്ങളില് രഘു റാം പങ്കുവച്ച ചിത്രത്തിലെ നതാലിയുടെ അടിക്കുറിപ്പ് ഇങ്ങനെയാണ്; ജീവിതത്തിലെ ഏറ്റവും വലിയ സന്തോഷമുള്ള സാഹസികതയ്ക്ക് തയ്യാറായിക്കൊണ്ടിരിക്കുന്നു. അതേ, ചന്ദ്രനില് എത്തിയ പോലെ. ചിത്രത്തില് രഘു റാം നതാലിയെ ഇരുകൈകള് കൊണ്ടും ചേര്ത്തു പിടിച്ചിരിക്കുകയാണ്. നതാലിയുടെ കയ്യില് ഒരു ജോഡി നീല കുഞ്ഞു ഷൂസും ഉണ്ട്. മഞ്ഞയും വെള്ളയും കലര്ന്ന തിളക്കമുള്ള വസ്ത്രമാണ് നതാലി ധരിച്ചിരിക്കുന്നത്.
ഓസ്ട്രിയയിലായിരുന്നു ഇരുവരുടെയും ഹണിമൂണ്. ഇപ്പോള് ഇരുവരുടെയും ജീവിതത്തില് മൂന്നാമതൊരു അതിഥി കൂടി എത്തുകയാണ്. ആദ്യത്തെ കണ്മണി. കുട്ടിക്കു വേണ്ടിയുള്ള കാത്തിരിപ്പ് തങ്ങള് തുടങ്ങിക്കഴിഞ്ഞതായാണ് അവര് അറിയിച്ചത്.
ഇതറിഞ്ഞ് ഇരുവര്ക്കും ആശംസയുമായി നിരവധി പേര് രംഗത്ത് എത്തി. എംടിവി റോഡീസ് സീസണ് 2-ല് വിജയിയായ ആയുഷ്മാന് ഖുറാനയാണ് ആദ്യം ആശംസ അറിയിച്ചത്. നടന് കരണവീര് ബോഹ്റയും തന്റെ അതിശയം രേഖപ്പെടുത്തി. ''അദ്ഭുതം അടക്കാനേ ആകുന്നില്ല. എന്റെ ദൈവമേ..എന്റെ ദൈവമേ..'' എന്നാണ് അദ്ദേഹം ആശ്ചര്യം പ്രകടിപ്പിച്ചത്.
https://www.facebook.com/Malayalivartha
