''ഞാന് മതവിശ്വാസിയാണെന്ന് പറയാന് ആഗ്രഹിക്കുന്നില്ല'' വിദ്യാ ബാലൻ
മതവിശ്വാസം എന്നത് ഇന്ന് അസഹിഷ്ണുതയുടെ പര്യായമായി മാറിയിരിക്കുന്നുവെന്ന് നടി വിദ്യാ ബാലന്. ഒരു അഭിമുഖത്തിലാണ് വിദ്യ ശാസ്ത്രത്തെയും മതത്തെയും കുറിച്ച് സംസാരിച്ചത്. ''ഇന്ന് മതത്തെ വ്യാഖ്യാനിക്കുന്ന രീതിയില് ഒരു പ്രശ്നമുണ്ടെന്ന് എനിക്ക് തോന്നുന്നു. മതവിശ്വാസികളെന്ന് വിളിക്കപ്പെടുന്നതില് നാണിക്കുന്ന കുറേ പേരെ എനിക്കറിയാം. ഞാനും അവരില് ഒരാളാണ്. ഞാന് മതവിശ്വാസിയാണെന്ന് പറയാന് ആഗ്രഹിക്കുന്നില്ല. ഞാന് എപ്പോഴും സ്പിരിച്വല് എന്ന് അറിയപ്പെടാനാണ് ആഗ്രഹിക്കുന്നത്. മതം ഇന്ന് അസഹിഷ്ണുതയുടെ പര്യായമായി മാറിയിരിക്കുന്നു. അതിനാല് തന്നെ മതം എന്നതിന് ഒരു നെഗറ്റീവ് അര്ഥം കൈവന്നിരിക്കുകയാണ്. എന്നാല് ഇവ പരസ്പരം മാറി നില്ക്കേണ്ടതില്ല''-വിദ്യയുടെ വാക്കുകൾ ഇങ്ങനെയായിരുന്നു.
പുതിയ ചിത്രം മിഷന് മംഗളിന്റെ പ്രൊമോഷന്റെ വിശേഷങ്ങള് പങ്കുവെയ് ക്കവെയാണ് നടി വിദ്യാ ബാലന് ഈ കാര്യം പറഞ്ഞത്. ചിത്രത്തില് ദൈവഭക്തയായ ഐഎസ്ആര്ഒ ശാസ്ത്രജ്ഞയായാണ് വിദ്യ അഭിനയിക്കുന്നത്. ഐ.എസ്.ആര്.ഒയിലെ രാകേഷ് ധവാന് എന്ന ശാസ്ത്രജ്ഞനായി അക്ഷയ്കുമാറും താര ഷിന്ഡേ എന്ന സഹപ്രവര്ത്തകയായി വിദ്യാബാലനും എത്തുന്ന ചിത്രത്തില് തപ്സി പന്നു, സൊനാക്ഷി സിന്ഹ, നിത്യ മേനോന്, കൃതി കുല്ഹാരി, ശര്മന് ജോഷി തുടങ്ങി വലിയൊരു താരനിരയും അണിനിരക്കുന്ന ചിത്രം സംവിധാനം ചെയ്തത് ജഗന് ശക്തി ആണ്.
.
https://www.facebook.com/Malayalivartha