സംവിധായകനൊപ്പം ചുംബന രംഗം, ഷൂട്ടിംഗിനു മുമ്പ് റിഹേഴ്സല് ചെയ്യണമെന്ന ആവശ്യം നിരസിച്ചിട്ടുണ്ടെന്ന് ബോളിവുഡ് നടി!
തനിക്ക് നേരിട്ട കാസ്റ്റിംഗ് കൗച്ച് അനുഭവങ്ങള് തുറന്നു പറഞ്ഞ് രംഗത്തെത്തിയിരിക്കയാണ് നടി സെറീന്ഖാന്. മീടു ക്യാമ്പെയ്ന് അടങ്ങിയെങ്കിലും തങ്ങള് നേരിട്ട ദുരനുഭവങ്ങള് വെളിപ്പെടുത്തി പല താരങ്ങളും ഇടയ്ക്കിടെ രംഗത്തെത്താറുണ്ട്.
സിനിമയില് പുതുമുഖ നടിയായിരുന്ന കാലത്ത് ഒരു സിനിമയുടെ ചിത്രീകരണത്തിനിടെ ചുംബനരംഗത്തിന് റിഹേഴ്സല് നടത്തണമെന്ന് സംവിധായകന് തന്നോട് ആവശ്യപ്പെട്ടുവെന്നാണ് സെറീന് ഖാന് ആരോപിക്കുന്നത്. എന്നാല് സംവിധായകന്റെ ആവശ്യം താന് നിഷേധിച്ചെന്നും ചുംബനരംഗത്തിന് റിഹേഴ്സല് നടത്താന് തയ്യാറല്ലെന്ന് അറിയിച്ചതായും സെറീന് ഖാന് വെളിപ്പെടുത്തി. ഓണ്ലൈന് മാധ്യമമായ പിങ്ക് വില്ലയോടാണ് നടി ഇക്കാര്യം വെളിപ്പെടുത്തിയത്.
ഷൂട്ടിംഗിനിടെ പിന്നീട് ഒരിക്കല് സുഹൃത് ബന്ധത്തിനപ്പുറമുള്ള ബന്ധത്തിലേക്ക് സുഹൃത്തായ ഒരാള് തന്നെ നിര്ബന്ധിച്ചുവെന്നും അതിന് സമ്മതമെങ്കില് കരിയറില് ഒരുപാട് ഉയരങ്ങളിലേക്ക് എത്താന് സാധിക്കുമെന്ന് അയാള് വാഗ്ദാനം നല്കിയെന്നും നടി പറഞ്ഞു. ഇപ്പോഴുള്ള അവസരങ്ങളില് താന് തൃപ്തയാണെന്ന് അന്ന് തന്നെ അയാള്ക്ക് മറുപടി നല്കിയെന്നും സെറീന് കൂട്ടിച്ചേര്ത്തു.
https://www.facebook.com/Malayalivartha