അമിതാഭ് ബച്ചന്റെ വീട്ടിലൊരുക്കിയ ദീപാവലി ആഘോഷത്തിനിടെ ഐശ്വര്യ റായിയുടെ മാനേജരുടെ വസ്ത്രത്തിന് തീപിടിച്ച സംഭവത്തില്‍ ട്വിസ്റ്റ്. ഐശ്വര്യ റായിയുടെ മാനേജർ അർച്ചന സദാനന്ദിന്റെ ലഹങ്കയ്ക്കായിരുന്നു തീപിടിച്ചത്. അന്ന് അര്‍ച്ചനയുടെ രക്ഷക്കെത്തിയത് ഷാരുഖാനാണെന്നായിരുന്നു റിപ്പോര്‍ട്ട്. എന്നാല്‍ ഈ സംഭവത്തിൽ ഐശ്വര്യ റായി തന്നെയാണ് അർച്ചനയെ രക്ഷിച്ചതെന്ന വാർത്തയാണ് ഇപ്പോൾ പുറത്തുവരുന്നത്.

ജൽസയിൽ ദീപാവലി ആഘോഷങ്ങൾക്കിടെ അർച്ചനയുടെ ലെഹങ്കയ്ക്ക് തീപിടിക്കുകയായിരുന്നു. എന്നാല്‍ എല്ലാവരും പകച്ചുനിന്നപ്പോള്‍ ഷാരൂഖ് ഇടപെട്ട് തീയണയ്ക്കുകയായിരുന്നു എന്നായിരുന്നു ആദ്യ റിപ്പോര്‍ട്ടുകള്‍. എന്നാൽ ആഘോഷത്തിനിടെ അർച്ചനയുടെ വസ്ത്രത്തിന് തീപിടിച്ചപ്പോൾ സമചിത്തതയോടെ പ്രവർത്തിച്ചത് ഐശ്വര്യ റായിയാണെന്ന് ഹോളിവുഡ് ഹം​ഗാമ റിപ്പോർട്ട് ചെയ്യുന്നു. ഐശ്വര്യ തീ അണച്ച് അർച്ചനയെ രക്ഷപ്പെടുത്തുകയും ഇതുവഴി വലിയൊരു അപകടമാണ് ഒഴിഞ്ഞുമാറിയതെന്നുമായിരുന്നു പുതിയ റിപ്പോർട്ടുകൾ പറയുന്നത്.