പതി പത്നി ഓര്‍ വോയുടെ ട്രെയിലറിലെ നായകൻറെ പരാമർശം വിവാദത്തിന് തിരി കൊളുത്തി. ബലാത്സംഗത്തെ ഹാസ്യവത്കരിക്കുന്ന രീതിയാണിതെന്നാണ് പരക്കെ ഉയരുന്ന ആരോപണം.സോഷ്യല്‍ മീഡിയയില്‍ രൂക്ഷ വിമര്‍ശനമാണ് ട്രെയിലറിന് എതിരെ ഉയരുന്നത്. കാര്‍ത്തിക് ആര്യന്റെ കഥാപാത്രം തന്റെ സുഹൃത്തിനോട് പറയുന്നതാണ് ഡയലോഗ്. 'ഭാര്യയോട് സെക്സ് ചോദിച്ചാല്‍ ഞാന്‍ വൃത്തികെട്ടവന്‍, ഭാര്യയ്ക്ക് സെക്സ് നല്‍കിയില്ലെങ്കില്‍ ഞാന്‍ ദുഷ്ടന്‍ ഏതെങ്കിലും രീതിയില്‍ സെക്സ് ചെയ്യാന്‍ ശ്രമിച്ചാല്‍ ഞാന്‍ ബലാത്സംഗം ചെയ്യുന്നവനാകും.'- ഈ ഡയലോഗ് ആണ് വന്‍ തോതില്‍ പ്രതിഷേധത്തിന് കാരണമായിരിക്കുന്നത്.

സ്ത്രീകള്‍ക്കെതിരെ അക്രമണങ്ങള്‍ വര്‍ധിച്ച്‌ വരുന്ന ഈ സാഹചര്യത്തില്‍ തമാശയാക്കേണ്ടതാണോ ബലാത്സംഗം എന്നാണ് വിമര്‍ശകരുടെ ചോദ്യം. ഈ സാഹചര്യത്തില്‍ ഇത്തരം നിലവാരമില്ലാത്ത കോമഡികള്‍ എന്തിനാണെന്നും ചോദ്യമുയരുന്നുണ്ട്.