കണ്ണെഴുതി കടും പിങ്ക് നിറത്തില് ലിപ്സ്റ്റിക്കുമായെത്തിയ രാണുവിനെ സോഷ്യല്മീഡിയ ട്രോളുകള് കൊണ്ട് മൂടിയതിന് പിന്നാലെ ആ ഫോട്ടോ വ്യാജമെന്ന് രാണുവിന്റെ യഥാര്ഥ മേക്ക് ഓവര് ചിത്രം പങ്കുവെച്ച് ബ്യൂട്ടീഷ്യന് പറയുന്നു...!
പശ്ചിമ ബംഗാളിലെ രണാഘട്ട് സ്റ്റേഷനില്വച്ചു ലതാ മങ്കേഷ്ക്കറുടെ ‘ഏക് പ്യാര് കാ നഗ്മാ ഹേ’ എന്ന എക്കാലത്തെയും സൂപ്പര്ഹിറ്റ് ഗാനം പാടിയ രാണു വളരെ പെട്ടെന്ന് തരംഗമായ ഗായികയായി മാറുകയായിരുന്നു. ഇപ്പോഴിതാ ട്രോളന്മാർ രാണു മൊണ്ടാലിന് വിടാതെ പിന്തുടരുകയാണ്. മുഖത്ത് വലിയ രീതിയില് മേക്കപ്പിട്ട രാണുവിന്റെ ചിത്രം അടുത്തിടെ സാമൂഹികമാധ്യമങ്ങളില് വൈറലായതിന് പിന്നാലെ ആയിരുന്നു ഇത്.
പ്രേതസിനിമയായ ദ നണ് എന്ന ബയോപിക്കില് അഭിനയിക്കാന് തയ്യാറായി നില്ക്കുന്ന രാണു എന്നും മേക്കപ്പിട്ട ആര്ട്ടിസ്റ്റിന് 2020ലെ ഓസ്കാര് അവാര്ഡ് ഉറപ്പ് എന്നും മറ്റുമായിരുന്നു ട്രോളുകള്. വെള്ളനിറത്തില് കട്ടിമേക്കപ്പില് പോസ് ചെയ്ത രാണുവിന്റെ ചിത്രം കണ്ട് പ്രേതത്തെപ്പോലെയുണ്ടെന്ന രീതിയില് വിമര്ശനങ്ങളുമുയര്ന്നിരുന്നു. എന്നാല് വൈറലായ ചിത്രമല്ല, മേക്ക് ഓവറിന്റേത് എന്ന് പറഞ്ഞ് രംഗത്തു വന്നിരിക്കുകയാണ് രാണുവിനെ അണിയിച്ചൊരുക്കിയ ബ്യൂട്ടീഷ്യന്.
കാന്പൂരിലെ മേക്കപ്പ് ആര്ട്ടിസ്റ്റായ സന്ധ്യയാണ് രാണുവിന്റെ ഈ രൂപമാറ്റത്തിനു പിന്നില്. ഇന്സ്റ്റാഗ്രാമിലൂടെ രാണുവിന്റെ മേക്ക് ഓവറിന്റെ വൈറലായ ചിത്രവും യഥാര്ഥ ചിത്രവും ചേര്ത്ത് പങ്കുവെച്ചിരിക്കുകയാണ് സന്ധ്യ. 'ഞാന് ചെയ്ത മേക്കപ്പിലുള്ള രാണുവിന്റെ ചിത്രവും ഈ വ്യാജ ചിത്രവും തമ്മില് വളരെയധികം വ്യത്യാസങ്ങളുണ്ട്. തമാശയും ട്രോളുകളും എല്ലാം നല്ലതുതന്നെ. ചിരിക്കാന് രസമാണ്. എന്നാല് അത് മറ്റൊരാളുടെ മനോനിലയെ വിഷമിപ്പിന്നുവെങ്കില് അതൊരു നല്ല കാര്യമല്ല. ഈ ഫോട്ടോയ്ക്കു പിന്നിലെ യാഥാര്ഥ്യം ഇതിനാല് ബോധ്യപ്പെടുമെന്ന് പ്രതീക്ഷിക്കുന്നു. അതിനാണ് ഈ ഫോട്ടോ ഷെയര് ചെയ്തത്.' എന്ന കുറിപ്പോടെയാണ് സന്ധ്യ ചിത്രം പങ്കുവെച്ചത്.
https://www.facebook.com/Malayalivartha