ദീപിക പദുകോണ്‍ ചിത്രം ചപക് ട്രെയിലര്‍ പുറത്തിറങ്ങി. ആസിഡാക്രമണം നേരിട്ട ലക്ഷ്മി അഗര്‍വാളിന്റെ ജീവിത കഥ പറയുന്ന ചിത്രം സംവിധാനം ചെയ്തിരിക്കുന്നത് മേഘ്‌ന ഗുല്‍സാര്‍ ആണ്. ചിത്രത്തിന്റെ ട്രെയിലര്‍ ലോഞ്ച് ചടങ്ങില്‍ സംസാരിക്കവേ ദീപിക പദുക്കോണ്‍ വികാരാധീനയായി.മാലതി എന്ന കഥാപാത്രത്തെയാണ് ദീപിക അവതരിപ്പിക്കുന്നത്. നായക കഥാപാത്രമായി എത്തുന്നത് വിക്രാന്ത് മസെയാണ്. രണ്ടു മിനുട്ട് 19 സെക്കന്‍ഡ് ദൈര്‍ഘ്യമുള്ള ട്രെയിലറില്‍ ആസിഡാക്രമണം നേരിട്ട ശേഷം കഥാപാത്രം അനുഭവിക്കുന്ന പ്രശ്‌നങ്ങളുടെയും നിയമപോരാട്ടങ്ങളുടെയും സൂചനകള്‍ നല്‍കുന്നുണ്ട്.

ട്രെയിലർ കണ്ടതിനുശേഷം ഞങ്ങളെ സ്റ്റേജിലേക്ക് വിളിക്കുമെന്ന് ഞാൻ കരുതി. അതിനുശേഷം എനിക്ക് സംസാരിക്കേണ്ടിവരുമെന്ന് എനിക്കറിയില്ലായിരുന്നു- പറയുന്നതിനിടെ ദീപികയുടെ കണ്ണ് നിറഞ്ഞു. ഛപാക് എന്ന സിനിമയും കഥാപാത്രവും എത്രത്തോളം തന്നെ സ്വാധീനിച്ചുവെന്നും ഹൃദയത്തെ സ്‍പര്‍ശിച്ചതെന്നും പറയുകയായിരുന്നു ദീപിക പദുക്കോണ്‍. കഥ വിവരിക്കുമ്പോള്‍ മുഴുവൻ സമയം ഇരിക്കാറുള്ളത് സാധാരണയല്ല. സാധാകരണയായി സിനിമ വേണമോ വേണ്ടയോ എന്ന് തീരുമാനിക്കാൻ മുഴുവൻ സമയം ഇരിക്കേണ്ടിയും വരും. ഇത് അങ്ങനെ ആയിരുന്നില്ല. സംവിധായിക കഥ പറഞ്ഞ് തുടങ്ങി മിനിട്ടുകള്‍ക്കുള്ളില്‍ തന്നെ മനസ്സിലായി. വളരെ സ്‍നേഹത്തോടെയും ഉത്സാഹത്തോടെയും ഉത്തരവാദിത്തത്തോടെയും കൃത്യമായും ചെയ്‍ത സിനിമയാണ്- ദീപിക പദുക്കോണ്‍ പറഞ്ഞു.