പുതിയ ലുക്കിൽ ഞെട്ടിച്ച് രാജ്കുമാർ റാവു; തിരിച്ചറിയാൻ കഴിയാതെ ആരാധകർ; വൈറലായി ചിത്രം
മേക്ക് ഓവർ നടത്തി സെലിബ്രിറ്റികൾ ആരാധകരെ ഞെട്ടിക്കുന്നത് പതിവാണ്. തന്റെ പുതിയ സിനിമയിലെ വേഷത്തിന്റെ ചിത്രം പങ്കുവെച്ച് ആരാധകരെയൊട്ടാകെ അമ്പരപ്പിച്ചുകൊണ്ട് ബോളിവുഡ് താരം രാജ്കുമാർ റാവു ആണ് ഇപ്പോൾ വാർത്തകളിൽ നിറയുന്നത്. താരത്തെ തിരിച്ചറിയാൻ സാധിക്കാത്ത വിധം അതിസുന്ദരിയായ യുവതിയുടെ വേഷത്തിലാണ് രാജ്കുമാർ ചിത്രത്തിൽ പ്രത്യക്ഷപ്പെട്ടിരിക്കുന്നതാണ്. തന്റെ പുതിയ ചിത്രമായ ‘ലുഡോ’യിലെ സ്ത്രീവേഷത്തിലുള്ള ലുക്കാണ് താരം ഇൻസ്റ്റഗ്രാമിൽ പങ്കുവെച്ചത്. പച്ചനിറത്തിലുള്ള ലഹങ്ക ധരിച്ച്, നീളൻ മുടി അഴിച്ചിട്ട്, ആഭരണങ്ങൾ അണിഞ്ഞ് നിൽക്കുന്നത് രാജ്കുമാർ ആണെന്ന് കണ്ടുപിടിക്കാൻ അസാധ്യം. ഇത് ആലിയ ഭട്ടോ അതോ കൃതി സനനോ എന്നാണ് ചിത്രത്തിന് ലഭിച്ച പ്രധാന കമ്മന്റുകളിൽ ഒന്ന്.
ലഹങ്ക ധരിച്ച്, മുടി അഴിച്ചിട്ട്, ആഭരണങ്ങൾ അണിഞ്ഞ്, ലിപ്സ്റ്റിക് ഇട്ട് , പൊട്ടു തൊട്ടാണ് താരം ചിത്രത്തിൽ എത്തിയിരിക്കുന്നത്. ചിത്രത്തിൽനിന്നുള്ള മറ്റൊരു ലുക്കും നടൻ ഇൻസ്റ്റഗ്രാമിൽ പങ്കുവെച്ചിരുന്നു. നീണ്ട മുടിയും സൺ ഗ്ലാസും ധരിച്ച് ബൈക്കിലിരിക്കുന്ന ചിത്രമാണിത്. ഇരു ചിത്രങ്ങളും ആരാധകർ ഇരു കയ്യൻ നീട്ടി സ്വീകരിച്ചു കഴിഞ്ഞു.
https://www.facebook.com/Malayalivartha