നീന ഗുപ്ത തുറന്നു പറയുന്നു, തന്റെ ആ തീരുമാനം തെറ്റായിരുന്നു; മകള് ഒരുപാട് കഷ്ടപ്പെട്ടു!
ബോളിവുഡിലെ പ്രമുഖ നടിയും, ഡിസൈനറുമായ നീന ഗുപ്ത തനിക്ക് വെസ്റ്റ് ഇന്ഡീസ് ക്രിക്കറ്റ് താരം വിവ് റിച്ചാര്ഡ്സുമായുണ്ടായിരുന്ന ബന്ധത്തെ കുറിച്ച് മുംബൈ മിററിന് നല്കിയ അഭിമുഖത്തില് തുറന്നു പറച്ചില് നടത്തി.
ഇവര് തമ്മിലുള്ള ബന്ധം ബോളിവുഡില് ഒരു കാലത്ത് ചര്ച്ചയായിരുന്നു. ഇരുവരുടേയും ബന്ധത്തിലുള്ള മകളാണ് മസബ. എന്നാല് ഇരുവരും തമ്മില് വിവാഹിതരായിരുന്നില്ല. മകള് മസബ ജനിച്ചതിനു ശേഷവും വളരെക്കാലം കുട്ടിയുടെ പിതാവ് ആരാണെന്ന് നീനാഗുപ്ത വെളിപ്പെടുത്തിയിരുന്നില്ല. ഒടുവില് കുട്ടിയെ സ്കൂളില് ചേര്ക്കാന് കൊണ്ടുപോയപ്പോഴാണ് അച്ഛന്റെ പേരിന്റെ കോളത്തില് വിവിയന് റിച്ചാര്ഡ്സ് എന്നെഴുതിയത്. നീന ഗുപ്ത ഒറ്റക്കാണ് കുട്ടിയെ വളര്ത്തിയത്.
വിവാഹത്തിന് മുന്പ് അമ്മയാകാനുള്ള തന്റെ തീരുമാനം തെറ്റായിരുന്നുവെന്ന് സമ്മതിച്ചുകൊണ്ട് നീന ഇങ്ങനെ പറഞ്ഞു '' വിവാഹത്തിന് മുന്പ് ഞാന് കുഞ്ഞിന് ജന്മം നല്കുമായിരുന്നില്ല. എല്ലാ കുട്ടികള്ക്കും അച്ഛനേയും അമ്മയേയും ആവശ്യമാണ്. ഞാന് മസബയോട് എന്നും സത്യസന്ധമായാണ് പെരുമാറിയിരുന്നത്. അതിനാല് ഇത് ഞങ്ങളുടെ ബന്ധത്തെ ബാധിച്ചിരുന്നില്ല. പക്ഷേ അവള് ബുദ്ധിമുട്ടിയെന്ന് എനിക്ക് അറിയാം'' - നീന പറഞ്ഞു. ചാര്ട്ടേഡ് അക്കൗണ്ട് ആയ വിവേക് മെഹ്റയെ നീനാഗുപ്ത 2008-ല്,, തന്റെ 49-ാമത്തെ വയസ്സില് വിവാഹം ചെയ്തു.
മസാബ 2015-ല് സിനിമാനിര്മ്മാതാവായ മധു മണ്ടേനെ-യെ വിവാഹം ചെയ്തെങ്കിലും 2019-ല് വിവാഹമോചിതരായി.
https://www.facebook.com/Malayalivartha
