ഗായിക അനുരാധ പഡ്വാളിന്റെ മകളാണെന്ന് അവകാശപ്പെട്ട് മലയാളി യുവതി സമര്‍പ്പിച്ച കേസ്, തിരുവനന്തപുരം കോടതിയില്‍നിന്ന് മുംബൈയിലേക്ക് മാറ്റണമെന്ന് ആവശ്യപ്പെട്ട് അനുരാധ ഹര്‍ജി സമര്‍പ്പിച്ചതിനെ തുടര്‍ന്ന്, സുപ്രീം കോടതി സ്റ്റേ ചെയ്തു. ചീഫ് ജസ്റ്റിസ് എസ്.എ ബോബ്‌ഡെ അധ്യക്ഷനായ ബെഞ്ചാണ് യുവതിക്ക് നോട്ടിസ് നല്‍കിയത്.

തിരുവനന്തപുരത്ത് താമസിക്കുന്ന കര്‍മ്മല മോഡെക്‌സ് ആണ് അനുരാധ പഡ്വാള്‍ തന്റെ അമ്മയാണെന്ന അവകാശവാദവുമായി കോടതിയെ സമീപിച്ചത്.

സംഗീത ജിവിതത്തിലെ തിരക്കുകള്‍ കാരണം വേണ്ടത്ര ശ്രദ്ധ നല്‍കാന്‍ സാധിക്കാതെ വന്നതോടെ കുഞ്ഞിനെ കുടുംബസുഹൃത്തായ വര്‍ക്കല സ്വദേശികളായ പൊന്നച്ചന്‍-ആഗ്‌നസ് ദമ്പതികളെ ഏല്‍പ്പിച്ചുവെന്നാണ് യുവതിയുടെ അവകാശവാദം.

തനിക്ക് അങ്ങനെയാരു മകളില്ലെന്നും ബാലിശമായ കാര്യങ്ങളോട് പ്രതികരിക്കാനില്ലെന്നും അനുരാധ അന്ന് പ്രതികരിച്ചിരുന്നു.