"അവർക്കെന്റെ ഐഎംഡിബി റേറ്റിംഗ് മാത്രമേ മാറ്റാൻ കഴിയൂ, എന്റെ മനസ്സ് മാറ്റാൻ കഴിയില്ല"; ചപ്പക്ക് സിനിമക്കെതിരായ പ്രചാരണങ്ങൾക്ക് മറുപടിയുമായി ബോളിവുഡ് താരം ദീപിക പദുക്കോൺ
ജെ.എന്.യു സന്ദര്ശനത്തെ തുടര്ന്ന് ഐ.എം.ഡി. ബി യില് ചപ്പക്ക് എന്ന തന്റെ പുതിയ ചിത്രത്തിന്റെ റേറ്റിങ് കുറച്ച സംഭവത്തില് പ്രതികരണവുമായി നടി ദീപിക പദുക്കോണ്. ജെ.എന്.യുവില് വിദ്യാര്ഥികള് ആക്രമിക്കപ്പെട്ട സംഭവത്തെ തുടർന്ന് ദീപിക കാമ്പസില് സന്ദര്ശനം നടത്തിയിരുന്നു. ഛപാക് സിനിമയുടെ റിലീസിന് രണ്ടു ദിവസം മുന്പായിരുന്നു സന്ദർശനം. തുടര്ന്ന് ദീപികയ്ക്കെതിരേയും സിനിമയ്ക്കെതിരേയും കടുത്ത ആക്രമണമാണ് സമൂഹ മാധ്യമങ്ങളിൽ നടന്നത്.
ഐ.എം.ഡി. ബിയില് സിനിമയ്ക്ക് പത്തില് 4.6 ആണ് റേറ്റിങ് രേഖപ്പെടുത്തിയിരിക്കുന്നത്. അതെക്കുറിച്ച് എന്താണ് അഭിപ്രായമെന്ന് ഒരു അഭിമുഖത്തില് നേരിട്ട ചോദ്യത്തിനാണ് ദീപിക മറുപടി നൽകിയത്. അവർക്ക് ഐ.എം.ബി.ഡി റേറ്റിങ് മാറ്റാം, എന്നാല് എന്റെ മനസ്സു മാറ്റാനാകില്ല എന്നായിരുന്നു ദീപിക ഉത്തരം നൽകിയത്. ജെ.എന്.യു വിഷയത്തില് തന്റെ നിലപാട് ഒരിക്കല് കൂടി ശക്തമാക്കിയ ദീപികയെ പ്രശംസിച്ച് സാമൂഹിക മാധ്യമങ്ങളില് ഒട്ടനവധിപേര് രംഗത്തെത്തി കഴിഞ്ഞു.
https://www.facebook.com/Malayalivartha
